میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ کہ ضلع صوابی میں غیر رجسٹرڈ موٹرسائیکلوں کی تعداد میں روزبروزاضافہ ہورہاہے ۔موٹرسائیکلوں کی آئے روزایکسڈنٹ سے عوام الناس بے حد پریشان اور ذہنی کو فت میں ہیں۔DPOصوابی اوربارگین ایسوسی ایشن نے اس بات پراتفاق کیاتھاکہ موٹرسائیکل فروخت کرتے وقت اس کے ساتھ ایکسائز فارم پُر کرکے رجسڑڈ کیاجائیگا۔لیکن اس کاکوئی خاطر خواہ فائدہ نہیں ہوا اس کی سب سے بڑی وجہ صوابی ایکسائزآفس میں عملے کی کمی ہے ا س دفتر کا کمپیوٹر نظام  خراب ہے اور موٹر سائیکلوں کی رجسٹریشن پربھی توجہ بھی کم دی جاتی ہے یہ ایک سنگین مسئلہ ہے اس کافوری حل ضروری ہے۔