میں وزیربرائے محکمہ خزانہ کی تو جہ ایک اہم مسئلے کی طر ف مبذول کر ا نا چاہتاہوںوہ یہ کہ صوبائی حکومت سرکاری ملازمین کے جی پی فنڈاور پنشن فنڈ سے(17) سترہ ارب روپے کی خطیر رقم قرضہ لینے کی کوشش کررہی ہے ۔ صوبائی حکومت کو اتنی خطیر رقم قرضے کی ضرورت کیوں پڑھ گئی ہے کیا صوبائی حکومت مالی بحران کا شکارہے اور وہ اس قدر مشکلات میں گھری ہے۔ کہ جی پی فنڈ اور پنشن فنڈ جو ملازمین کی امانت اور جمع پونجی ہے اس سے قرض لیا جائے۔ صوبائی حکومت کو بھی ایسا کام نہیں کرنا چاہیے جس کے نتیجے میں سرکاری ملازمین اور پنشرز مشکلات کا شکار ہوجائنگے۔ جس کے بعد سرکاری ملازمین کو رقم نہ ملنے کے باعث سخت مشکل سے دوچار ہونا پڑھے گا ۔ لہذا صوبائی حکومت سرکاری ملازمین کے جی پی فنڈ اور پنشن سے قرضہ نہیں لینا چاہیے۔