میں وزیر برائے محکمہ مواصلات وتعمیرات  کی توجہ ایک اہم مسئلے کی طرف مبذول کراناچاہتا ہوں وہ یہ کہ حلقہ پی کے 11 دیر بالا میں 16-2015 کی اے ڈی پی میں محکمہ  مواصلات وتعمیرات کی طرف سے سڑکوں کی منظور ی دی گئی تھیں۔ جوکہ  حالیہ اے ڈی پی19-2018 میں اے ڈی پی نمبر929/140906(نہاگ درہ  روڈ فیز۔ون، اے ڈی پی نمبر935/151076(نہاگ درہ روڈ فیز۔ٹو) اور اے ڈی پی نمبر 933/150833(کارودرہ، سلطان خیل درہ ، روغانو درہ اور لقمان بانڈہ روڈ) شامل کئے گئے ہیں۔ لیکن بدقسمتی سے صوبائی حکومت نے ان سکیموں کے لئے انتہائی قلیل رقم مختص  کی ہے ۔ چونکہ یہ مذکورہ بالا علاقوں کی اہم سڑکیں ہیں۔ اور محکمے کی طرف سے ٹھیکداروں کو عدم ادائیگی کی  وجہ سے  ان سڑکوں پر تعمیراتی کام بند پڑے ہیں۔ جسکی وجہ سے علاقے کے عوام  الناس  کو نہ صرف آمدروفت میں شدید مشکلات  کاسامناہے بلکہ عوام میں بے چینی بھی پائی جاتی ہے اور اس کے خلاف پچھلے سال بھی علاقے کے عوام نے احتجاجی مظاہرے کیے تھے۔  لہذاصوبائی حکومت مندرجہ بالا سکیموں کے لئے مطلوبہ فنڈز مختص کرے تاکہ سڑکوں کی تعمیر کاکام بروقت مکمل ہوسکےاور علاقے کے عوام میں موجود بے چینی کا خاتمہ ہوسکے۔