میں وزیر برائے محکمہ قانون کی توجہ ایک اہم مسلے کی طرف مبذول کرانا چاہتا ہوں وہ یہ کہ ضابطہ دیوانی اور نارکاٹکس ایکٹ میں ترامیم کے خلاف خیبر پختونخوا کے وکلاء کا احتجاج جاری ہے اور چھٹے  روز میں داخل ہوگیاہے  لیکن ابھی تک حکومت نے کوئی مثبت  اقدام نہیں اُٹھایا  ہے ۔ ٕمذکورہ  ترمیمات کے خلاف خیبر پختونخوا بارکونسل  اور پشاور ہائیکورٹ بار ایسوسی  ایشن سمیت دیگر وکلاء تنظیموں نے احتجاج کی کال دے  دی ہے جنہوں نے قبل ازیں مختلف  موقعوں پراحتجاج اور عدالتی بائیکاٹ کیا اور حکومت کو ترمیم پر نظر ثانی کےلئے ڈیڈلائین بھی دی تھی لیکن حکومت کی سرد مہری کے باعث احتجاج ابھی تک  جاری ہے جس کے باعث پشاور ہائیکورٹ سمیت صوبے کے تمام ماتحت عدالتوں میں وکلاء عدالتوں میں پیش نہیں  ہورہے ہیں جس کی وجہ سے بیشتر مقدمات پر کارروائی  نہیں ہو رہی ہے اور کیسزز پر سماعت ملتوی  کردی  جاتی ہے اور اس طرح آج بھی عدالتی بائیکاٹ کے باعث بیشتر مقدمات  پر کارروائی  نہیں ہوسکی   اس صورتحال کے باعث سائلین کو سخت مصائب کا سامنا ہے  ادھر صوبائی  حکومت کی جانب سے بھی قوانین واپس  لینے یا ان  میں ترمیم سے متعلق سرد مہری کا مظاہر کیا جارہاہے لہذا حکومت مذکورہ مسلہ کو حل کرنے کےلئے ضروری اقدامات کرے