میں وزیر برائے محکمہ امداد بحالی وآباد کاری کی توجہ ایک اہم مسلے کی طرف مبذول کرانا چاہتا ہوں وہ یہ کہ صوبہ بھر میں ہر قسم کے ناگہانی  قدرتی  آفات کے نتیجے  میں جو متاثرین مالی امداد کی درخواستیں جمع کراتے ہیں اور جن پر متعلقہ ضلعی انتظامیہ اپنی رپورٹ مرتب کرتی ہے اس پورے عمل میں سالوں لگ جاتے ہیں جبکہ متاثرین دفاتر کے چکر کاٹتے ہیں اور انتظار کرتے رہتے ہیں۔ اگر حکومت  متاثرین کی امداد کرنے میں سنجیدہ ہے  توحکومت تمام اضلاع کی انتظامیہ  کو ہدایات جاری کرے کہ ناگہانی  حادثات کی رپورٹ اور متعلقہ متاثرین کے کوائف کم ازکم تین ماہ کے اندر اندر محکمہ ہذا کو ارسال  کرے اور محکمہ ہذا  اس رپورٹ پر مزید تین ماہ  کے اندر اندر متعلقہ  قواعد وضوابط کے تحت  عمل درآمد کرے   مزید یہ کہ   اس پورے  عمل میں ہونے والی تمام ترپیش  رفت سے متعلقہ متاثرین کو مختلف ذرائع جیسے  خط وکتابت ایم ایم ایس ٹیلی فون اور اخبارات میں اعلانات کے ذریعے آگاہ کرے۔