میں وزیر برائے محکمہ ٹرانسپورٹ کی توجہ ایک اہم مسئلے کی جانب مبذول کرانا چاہتی ہوں وہ یہ کہ BRTبسیں پشاور کے ہر روڈ پر چلتی ہیں جوکہ انتہائی خوشی کی بات ہے اور پشاور کے آس پاس علاقوں کو شہر کے ساتھ منسلک کیا ہے جو کہ وہاں کے لوگ باآسانی اور کم وقت میں شہر کے مختلف ایریا ز کو پہنچاتی ہیں ۔ اسی طرح ضلع خیبر کی تحصیل جمرود بھی پشاور کے سنگم پر واقع ہے۔ حکومت کو چایئے کہ وہاں پر بھی BRTکی سروس شروع کرے۔کیونکہ وہاں کے لوگوں کا زیادہ تر کاروبار پشاور میں ہے اور ساتھ ساتھ وہا ں کےزیادہ تر بچے پشاور کےمختلف کالجوں ،سکولوں اور یونیورسٹیوں میں پڑھتے ہیں تو اس کے آنے جانے میں بھی آسانی پیدا ہو گی اور حکومت کو بھی زیادہ منافع ملے گا۔