میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ  کہ زکوٰة آڈٹ ملازمین اٹھارہویں ترمیم کےبعد صوبائی محکمہ زکوٰة و عشر کےدائرہ اختیار میں ہیں پچھلی حکومت میں تقریباً  تمام کنٹریکٹ ملازمین کو ریگولرائز کیاگیاہے جبکہ مذکورہ ملازمین ،جوکہ اکثر اعلیٰ تعلیم یافتہ ہیں ابھی تک کنٹریکٹ بنیاد پراپنے فرائض منصبی انجام دے رہے ہیں جس کی وجہ سے ان میں سخت بے چینی پائی جاتی ہے ۔لہٰذا حکومت ریگولرائزیشن ایکٹ میں ترمیم یادیگر ضروری قانون سازی کےذریعے ان کی ملازمت کو مستقل کرے تاکہ ان کا مستقبل تاریک ہونےسے بچ جائے اور ان کی بےچینی دور ہوسکے۔