میں آپ کی تو جہ ایک اہم مسئلے کی طر ف مبذول کر ا نا چا ہتا ہو ں وہ یہ    کہ صوبائی حکومت نے ناران کاغان کے پر فضا سیاحتی مقامات پر سیاح اور دوسرے سیکورٹی اداروں  کی حفاظت کے لئے بیسار پولیس چوکی  جو کہ ناران سے 25 کلومیٹر آگے مشکل علاقہ میں قائم ہے جس میں ایلیٹ فورس کے پانچ جوانوں جس میں سردار محمد ناصر نمبر 2527، شیر محمد، شہزاد، انورعلی اور سجاد کو تعینات کیاگیا تھا۔ 24 اکتوبر 2015ء کو شدید برفباری شروع ہوئی۔ جس کی وجہ سے وہاں تعینات نوجوانوں کی خوراک اور دوسری ضروریات زندگی بہم پہنچانے میں مشکلات کے پیش نظر تعینات نوجوانان نکل پڑے ۔ لیکن شدید برف باری ، پسلن، جگہ جگہ سلائڈنگ اور روڈ کی بندش کی وجہ سے مانسہرہ شہر تک پہنچنے میں ناکام رہے اور ان میں چار جوان اپنے فرائض منصبی سرانجام دینے تین دن تک موت و زندگی  کے ساتھ لڑکر شہید ہوگئے جبکہ پانچوں میں زندہ واحد بچنے والا سجاد پاکستان آرمی کے جوانوں کے تعاون سے بے حوشی کے حالت میں بچایا گیا اور انہیں ایمرجنسی میں ایبٹ آباد ہسپتال لایا گیا۔ اس سلسلے میں محکمہ پولیس غفلت اور لاپرواہی کی مرتکب ہوئی ہے ۔انہیں نہ کسی قسم کی خوراک دی گئی ہے اورنہ ہی ان جوانوں کی لاشوں کو ڈھونڈنے اور لے جانے میں ورثاء کے حوالہ کرنے میں مدد کی ہے۔ لہٰذا صوبائی حکومت مذکورہ واقع کی مکمل تحقیقات اور چھان بین کرے اور ساتھ ہی ان شہیدجوانوں  سردار محمد ناصرنمبر2527 ، شیر محمد، شہزاداور انور علی کو شہداء پیکج میں شامل کیا جائے ۔ جبکہ واحدزندہ بچ جانے والے سپاہی سجاد کا مکمل علاج ومعالجہ کے ساتھ ساتھ مالی تعاون کیا جائے تا کہ شہداء کے ورثاء کی دلجوئی اور داد رسی ہوسکے۔