میں آپ کی وساطت سے اس معزز ایوان کی توجہ ایک اہم مسئلہ کی طرف مبذول کرانی چاہتی ہوں وہ یہ کہ کوہاٹ روڈ پر واقع سرکاری رہائشی کالونی گلشن رحمان واقع ہے جس میں گریڈ ایک سے لے کر گریڈ ۲۰ تک کے افسران رہائش پزیر ہیں ۔ لیکن وہاں پر بچیوں کے لئے قرآن  مجید سکھانے کا کوئی خاطر خواہ انتظام نہ ہونے کی وجہ سے قوم کی بچیاں دوپہرکے وقت قرآن مجید کی تعلیم سے محروم ہوتی جارہی ہیں جس کی وجہ سے والدین عجیب کشمکش اور ذہنی کوفت سے دوچارہیں ۔چونکہ گلشن رحمان کالونی کے ٹیوب ویل کے ساتھ کچھ زمین بے کار پڑی ہے جس کے ارد گرد صرف ایک طرف دیوار تعمیر کرنے اور شیلٹر بنانے سے بچیوں  کے لئے بطور مدرسہ کارآمد بنایا جاسکتا ہے حالانکہ کالونی کے مکین مذکورہ مدرسہ کے دوسرے اخراجات برادشت کرنے کیلئے تیار ہیں ۔لہٰذا صوبائی حکومت گلشن رحمان کالونی میں ٹیوب ویل کے ساتھ زمین کے ارد گرد  دیوارتعمیرکرنے کے لئے ضروری اقدامات کئے جائیں تاکہ قوم کی یہ بچیاں قرآن مجید کی تعلیم سے مزید محروم نہ ہوں ۔