میں وزیر برائے محکمہ توانائی وبرقیات کی توجہ ایک اہم مسلے کی طرف مبذول کرانا چاہتاہوں وہ یہ کہ  پی ٹی آئی کی سابقہ حکومت نے ملاکنڈ ڈویثرن میں پانی سے بجلی پیدا کرنے کےلیے  بہت سے  جنریٹر منظور کئے تھے اورجنریٹر بنانے کیلئے محکمہ پیڈو نے مختلف این جی اوز کو ٹھیکے بھی دئیےاورمختلف این جی اوز کو کروڑوں روپے کی ادائیگی بھی کر چکے ہیں۔ حکومت نے حلقہ پی کے 10 دیر اپر میں بھی بہت سے  جنریٹر منظور کیے تھے جس پر کام بھی شروع ہوا تھا لیکن حلقہ پی کے 10 دیر اپر میں ابھی تک ایک جنریٹر بھی مکمل نہیں ہوا ہےلہذاحکومت  اسکی  مکمل انکوائری  کر یں اور ذمہ داروں کو سزا دی جائے اور مکمل پیمائش کرواکر ہڑپ شدہ رقم واپس کی جائے اور مذکورہ جنریٹرز جلد از جلد مکمل کر واکر قوم کے حوالے کیا جائے تا کہ عوام اس سے  فائدہ اٹھا سکیں ۔