میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ کہ 2010ء کے تباہ کن سیلاب نے ضلع سوات کے بالائی علاقوں ، بشمول اتروڑ گبرال ،کالام ،مانکیال، بحرین ، انگیرآباد مدین، باڈالئی،شگئی ،دامانہ ،قندیل وغیرہ میں پورے گاؤں صفحہ ہستی سے مٹ گئے لیکن سیلاب سے بچے مکانات یا متاثرہ گاؤں کے کچھ حصے اب سخت خطرے میں ہیں خدا ناخواستہ اگر معمولی سیلاب دوبارہ آجائے تو یہ تمام گاؤں مکمل طور پر تباہ ہوجائینگے ان مقامات پر ہنگامی بنیادوں پر حفاظتی پشتہ جات کی تعمیر بہت ضروری ہے گرمیوں کے موسم میں دریا میں پانی کی بہتات کیوجہ سے ان مقامات پر تعمیراتی کام کرنا ناممکن ہے ۔لہٰذا حکومت سے مطالبہ ہے کہ ہنگامی بنیادوں پر ان علاقوں میں حفاظتی پشتہ جات کی تعمیر شروع کریں تاکہ اس ممکن انسانی المیہ کا بروقت تدارُک ہوسکے۔