میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ کہ ضلع سوات کے مجموعی طور پراور بالائی سوات (PK-85)خصوصی طور پرصحت کے مراکز بشمول ہسپتال بی ،ایچ ،یوز ،ڈسپنسریز وغیرہ میں سٹاف کی شدید قلت ہے جس کی وجہ سے مقامی لوگ صحت کی سہولیات سے محروم ہیں لہٰذا حکومت اس معاملے کا فوری نوٹس لے اور جلداز جلد عملہ کی تعیناتی کو یقینی بنادیں تاکہ ادارے فعالیت کے ساتھ عوامی خدمات کا عمل شروع کرسکیں ۔