میں اس معزز ایوان کی توجہ ایک اہم مسئلہ کی طرف مبذول کرانا چاہتی ہوں وہ یہ کہ خیبر میڈیکل کالج میں رونما ہونے والے ایک افسوس ناک واقعہ کی وجہ سے اسلامی دینا میں پاکستان کی بد نامی ہوئی ہے جس میں میڈیکل کی تعلیم حاصل کرنے کےلئے کینیڈا سے آئی ہوئی ایک باپردہ لڑکی کو خیبر میڈیکل کالج کے استاد ڈاکٹر عبدالرحیم بنگش نے پردہ یعنی حجاب پہننے پر ذلیل کیا اور ناشائستہ زبان استعمال کرکے اسلامی شعار کا مذاق اڑایا ہے۔ لہٰذا اس کی جتنی بھی مذمت کی جائے کم ہے اور پاکستان جسے ملک میں اسی طرح کے واقعات اسلامی دنیا میں باعث شرمندگی ہوتے ہیں۔لہٰذا صوبائی حکومت مذکورہ لڑکی کے ساتھ رونما ہونےوالے واقعہ کی شفاف انکوائری کرکے اور غیر اسلامی فعل کرنے پر مذکورہ ڈاکٹر کے خلاف تادیبی کارروائی کرے تاکہ آئندہ کےلئے کوئی بھی اسلامی شعار کے ساتھ مذاق کی جرت نہ کرسکے۔