میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ کہ گونگے،بہرےاور معذوربچے معاشرے کا حصہ ہیں اور ہماری حکومت نے صوبہ خیبر پختونخوا میں ایمرجنسی تعلیمی نظام کا نفاذ لگانے کا فیصلہ کیا ہے جو زبانی جمع خر چ تک محدود ہے۔ اس کی واضح مثال سپیشل ایجو کیشن سکول حیات آباد ہے جس میں کافی تعداد میں بچے زیرتعلیم ہیں اور مختلف مقامات سے مذکورہ سکول کی بسیں ان معذوربچوں کو پک اینڈ ڈراپ کی سہولت پہنچاتی ہیں۔ مگر افسوس سے لکھناپڑتاہے کہ جب تک ان کا نظام وفاق کے زیراہتمام تھابروقت بسوں کو تیل ملتاتھا۔ لیکن جب سے اٹھارویں ترامیم میں ان سکولوں کو صوبوں کے حوالے کیاگیاہے تب سے کبھی گاڑیاں خراب ہوتیں ہیں اورکبھی ان میں تیل نہیں ہوتا اسطرح مہینے میں کم ازکم20دن گاڑیاں ان مسائل کی وجہ سے کھڑی رہتی ہیں۔ اوریکم جنوری سے تاحال یہ بسیں تیل کے انتظار میں کھڑی ہیں اور کوئی پر سان حال نہیں۔میں آپ کی وساطت سے وزیر سوشل ویلفیئرسےدرخواست کرتاہوں کہ وہ اس سلسلے میں اپناخصوصی کردار ادا کریں اور ایسا لائے عمل مرتب کریں تاکہ ان بچوں کی تعلیم بھی باقی بچوں کی طرح جاری و ساری رہے۔