میں وزیر برائے محکمہ خزانہ کی توجہ ایک اہم مسئلے کی طرف مبذول کرانا چاہتا ہوں وہ یہ کہ محکمہ خزانہ نے اسسٹنٹ پروگرامر جوکہ سکیل 16 میں کام کررہے ہیں ان کی پوسٹ کا نام اسسٹنٹ ڈائریکٹر IT کردیا ہے اور ان کو سکیل 16 سے سکیل 17میں اپ گریڈ کر دیا گیا ہے خیبر پختونخوا محکمہ ابتدائی وثانوی تعلیم میں جو اسسٹنٹ پروگرامر کام کررہے ہیں ان کا سکیل 16 ہے اور تعلیمی قابلیت محکمہ خزانہ کے اسسٹنٹ پروگرامر کے مساوی ہے ان تمام اسسٹنٹ پروگرامرز کو بھی محکمہ خزانہ کی طرز پر اسسٹنٹ ڈائریکٹر IT کا نام دیا جائے اور ان کا سکیل بھی BPS-16 سے BPS-17  کیا جائے جس کی مثال محکمہ خزانہ  کا نوٹفیکیشن نمبر No.FMIU/FD/3-7/88/Vol-1 2019/Service Rules  مورخہ 2019-07-25ہے اس سے انصاف کا بول بالا ہوجائے گا اور محکمہ ابتدائی وثانوی تعلیم میں موجود اسسٹنٹ پروگرامر کی بے چینی بھی ختم ہوجائے گی۔