میں وزیر برائےمحکمہ اعلیٰ تعلیم کی توجہ ایک اہم مسئلے کی طرف مبذول کرانا چاہتی ہوں وہ یہ کہ یونیورسٹی آف انجینئرنگ وٹیکنالوجی پشاور اپنی بدانتظامی اور نااہلی کی وجہ سے سینکڑوں فارغ التحصیل طالب علموں کو ڈگریاں جاری کرنے سے قاصر ہے جبکہ طلباء نے کئی مہینے پہلے مکمل فیس جمع کرائی ہے جسکی متعلقہ بینک سے تصدیقی مراسلہ مذکورہ یونیورسٹی کو موصول ہوچکا ہے نیز ان طلباء کیساتھ اصلی رسیدیں بھی موجود ہیں لیکن مذکورہ یونیورسٹی ان طالب علموں کو مختلف حیلے بہانوں سے ٹرخارہی ہے اور ان کو دوبارہ مکمل فیس جمع کرانے پر مجبور کررہی ہے جوکہ ان طلباء کیساتھ ناانصافی ہے ۔