ہم وزیر برائے محکمہ ابتدائی وثانوی تعلیم کی توجہ ایک اہم مسئلے کی طرف مبذول کراناچاہتے ہیں وہ یہ کہ خیبر پختونخوا،ایجوکیشن فاؤنڈیشن محکمہ ابتدائی وثانوی تعلیم خیبر پختونخوا  کا ایک ذیلی ادارہ ہے۔  جس کے مطابق حال ہی میں اخبارات  میں ایسے بیانات شائع ہوئے ہیں  جس کے مطابق سکول سے باہر بچوں کے لئے اقراء فروغ تعلیم  سکیم  کے تحت بذریعہ  اووچر کروڑو روپے کا غبن ہوچکاہے  اس کے علاوہ گھوسٹ سکولوں کے نام پر بھی ایک خطیر رقم نکالی  گئی ہے ان بیانات کی روشنی میں حکومت نے انکوائری مقرر کرکے منیجنگ ڈائریکٹر کو معطل کردیاہے لہذا مذکورہ منیجنگ ڈائریکٹرنے محکمہ تعلیم کے اعلیٰ آفسروں پر الزامات لگائے ہیں۔ او ر اُس نے یہ بھی الزام لگایاہے کہ اس سکیم میں جتنی بھی بے قاعدگیاں اور غبن ہورہے ہیں   اس کو مشیر تعلیم  اور دیگر آفسران کی  اشیر باد  حاصل ہے ۔ لہذا اس معاملے کی طرف توجہ دی جائے کیونکہ اس سے  محکمہ اور لوگوں میں بے چینی پائی جاتی ہے۔