میں اس معزز ایوان کی توجہ ایک اہم مسئلہ کی طرف مبذول کرانا چاہتا ہو ں وہ یہ کہ عرصہ دراز سے کوہاٹ روڈ پر شہر تک چلنے والے سوزوکیوں(Suzuki) کی بندش کی وجہ سے کوہاٹ روڈ پر بسنے والے لوگوں اور سرکاری ملازمین کو دفتر آنے اور جانے میں شدید مشکلات مالی اور ذہنی پریشانی کا سامنا کرنا پڑ رہا ہے۔ اور ان غریب ملازمین کو سستی سواری سے محروم کرکے انہیں مجبور اً روزانہ سپشل ٹیکسی یا رکشوں میں دفاتر کو آنا جانا پڑ رہا ہے جو کہ بہت ہی نا انصافی اور زیادتی ہے۔ حالانکہ حکومت کا کام عوام کو سہولت دینا ہے نہ کہ تکلیف۔ لہٰذا صوبائی حکومت کوہاٹ روڈ پر بسنے والے لوگوں اور سرکاری ملازمین کی مالی او ربدنی مشکلات کے پیش نظر سوزوکی چلانے کی دوبارہ اجازت دی جائے تا کہ ان لوگوں کی سفری مشکلات کم ہوسکے اور وہ صبح کے وقت اپنے دفاتر اور دوپہر کے وقت اپنے گھروں کو آسانی سے پہنچ سکے۔