میں اس معزز ایوان کی توجہ ایک اہم مسئلہ کی طرف مبذول کرانا چاہتی ہوں وہ یہ کہ محکمہ ورکرزویلفیئر بورڈ خیبرپختونخوا کے زیرنگرانی ورکنگ فاکس گرائمرسکول نمبر1حیات آباد میں خواتین اساتذہ کے شیرخوار بچوں کی دیکھ بھال کےلئے ایک عدد کمرہ بطور بےبی روم مختص کیاگیاتھا ۔جس میں خواتین اساتذہ اپنے ہی خرچ پر بچوں  کی دیکھ بھال کے لئے خالہ رکھی تھی تاکہ بوقت پڑھائی بچوں کی دیکھ بھال کرسکے۔ لیکن اب محکمہ اور سکول انتظامیہ کی طرف سے بے بی روم کی سہولت ختم کی گئی ہیں جو ممتادشمنی،سراسرظلم اورنا انصافی پر مبنی ہے اور انہیں خبردار کیاگیاہے کہ وہ اپنے بچوں کو اپنے ساتھ سکول نہ لائیں۔چونکہ محکمہ اپنے عملے کو ہر قسم کی سہولت مہیا کرنے کاپابند ہوتاہے نہ کہ انہیں بے جاتنگ کرے۔لیکن محکمہ اور انتظامیہ کی طرف سے اسی طرح کی غلط اورنامعقول فیصلہ کی وجہ سے وہ میاں بیوی جو سرکاری ملازم ہوں کو شدید ذہنی اور مالی پریشانی میں مبتلا کردیاہے ۔کیونکہ انہیں اپنے بچوں کو گھر میں کسی غیرمتعلقہ خواتین کو حوالہ کرنے سےچوری اور دوسرے مسائل کا خدشہ ہوتاہےاور خواتین اساتذہ کسی طرح اپنے بچوں کے بغیردل جمعی اور اطمینان سے طالبات کی پڑھائی پر توجہ نہیں دے سکتی ہیں۔لہٰذا صوبائی حکومت اس مسئلہ کی مکمل چھان بین کرے اورورکنگ فاکس گرائمرسکول نمبر1حیات آباد میں خواتین اساتذہ کےلئے بےبی روم کی سہولت دوبارہ بحال کی جائے تاکہ خواتین اساتذہ اطمینان اور دل جمعی سے طالبات کی پڑھائی پرتوجہ دے سکے۔نوٹ:۔اسی ضمن میں محترمہ تبسم شمس صاحبہ کی قراداد نمبر87جوکہ ایوان سے 4ستمبر2008کو پاس ہوئی ہے۔ کاپی منسلک کی جاتی ہے۔