میں اس معزز ایوان کی توجہ ایک اہم مسئلہ کی طرف مبذول کرانا چاہتا ہوں وہ یہ کہ سیکرٹری محکمہRelief, Rehabilitation and Settlement Department نے ایک نوٹیفیکیشن جاری کیا ہے جس میں انہوں نے خیبر پختونخواہ ایمر جنسی ریسکیو سروس 1122 کے ملازمین کے بھرتیوں اور ترقی کے شیڈول IIسریل 23 میں درج سٹیشن کوارڈنیٹر گریڈ 14 میں ترقی کے لئے 30 فیصد بنیادی اور70 فیصد بذریعہ سینیارٹی، فٹنس مابین شفٹ انچارج گریڈ 12 اور کمپیوٹر ٹیلفون اینڈوائرلیس آپریٹرگریڈ 12 کو شامل کیا ہوا ہے جبکہ محکمہ نے دانستہ طور پرمذکورہ آسامی پر ترقی کے لئے (LFR)لیڈ فائر ریسکیورگریڈ 12 نظر انداز کرکے بدنیتی کا ثبوت دیا ہے حالانکہ لیڈر فائر ریسکیو ر12 DAE ڈپلومہ اور بی ایس سی، ایم ایس سی تک تعلیم کااور پانچ چھ سال کا تجربہ بھی رکھتے ہیں اورانہیں محکمہ نے خصوصی طور پر ریسکیو1122 پنجاب سے چھ مہینے ٹریننگ بھی دلوائی ہے لیکن انہیں ترقی میں نظرانداز کرکے محکمہ مجرمانہ غفلت کا مرتکب ہو رہا ہے محکمہ کے مذکورہ اقدام سے تجربہ کار اور تعلیم یافتہ ملازمین  مایوسی اور ذہنی تناؤ کا شکار ہو رہے ہیں، کیونکہ فائر ریسکیور کی ڈیوٹی نہایت مشکل اور خطرناک نوعیت کی ہوتی ہے لیکن انہیں ترقی سے محروم کرنا قرینہ انصاف نہیں۔لہٰذا صوبائی حکومت ریسکیو 1122 میں سٹیشن کوارڈنیٹر گریڈ 14 کی آسامی پر ترقی کے لئے 70 فیصد بذریعہ سینیارٹی، فٹنس مابین شفٹ انچارج گریڈ12 اور کمپیوٹر ٹیلفون اینڈ وائرلیس آپریٹر گریڈ 12 کے ساتھ (LFR)لیڈفائر ریسکیور گریڈ 12 کو بھی شامل کرے تاکہ انصاف کے تقاضے پورے ہوں اور یہ ملازمین ایمر جنسی کی صورت میں دلجمعی کے ساتھ اپنے فرائض احسن طریقے سے ادا کرسکیں۔