میں   وزیر برائے محکمہ انتظامیہ  کی توجہ ایک اہم مسئلے کی طرف مبذول کروانا چاہتی ہوں  وہ یہ کہ سول سیکرٹریٹ اور بیشتر سرکاری اداروںمیں خواتین آفسران و اہلکار خدمات سرانجام دے رہی ہیں۔ مذکورہ بالا خواتین آفسران کے لئے الگ بیت الخلا اور کمرہ برائے نگہداشت اطفال موجود نہیں ہے(Day care center)۔ لہٰذا حکومت آفسران و اہلکار وں کو مذکورہ سہولیات مہیا کرنے کے لئے اقدامات اٹھائے  تا کہ خواتین آفسران و اہلکار کی پریشانی دور ہوسکے اور وہ اپنی ڈیوٹی خوش اسلوبی سے سرانجام د ے سکیں۔