میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ کہ صوبائی اسمبلی کی مجلس قائمہ نمبر29  برائے ہاوسنگ کے اجلاس مورخہ 30جنوری2013 کو  سرکاری  ملازمین کےلئے جلوزئی کے مقام پر ہاوسنگ سکیم کے لئے درخواستوں کے ساتھ 15% سے 10٪   اور بقیہ رقم 11 سی ماہی اقساط کے  بجائے 15 سی ماہی  اقساط میں جمع کرانے کی سفارش کی تھی جس پر محکمہ ہاوسنگ نے ہمدردانہ غور کرنے کا وعدہ کیاتھا۔  تاکہ صوبے کے کم تنخواہ دار سرکاری ملازمین اپنے گھروں کے مالک بن سکیں۔(مینٹس کی کاپی منسلک ہے)لیکن افسوس  کے ساتھ کہنا پڑرہا ہے کہ محکمہ ہاوسنگ نے صوبائی اسمبلی کی مجلس قائمہ کی سفارشات کو  پس و پشت میں ڈال کر اور ردی کے ٹوکری  کی نظر کرکے  پرانے طریقہ کار کے تحت  جلوزئی ہاوسنگ سکیم میں کامیاب امیدواروں  کو پلاٹوں کے الاٹ مینٹ لیٹر بمعہ پے منٹ شیڈول جاری کیں ہیں اور  تاخیر کی صورت میں2 ٪ جرمانہ عائد کرنے کی شرط بھی لگائی ہے۔ (شیڈو ل لف ہے) جوکہ بے گھر اور کم تنخواہ دار ملازمین کے ساتھ ناانصافی اور ذیادتی ہے۔ چونکہ مذکورہ ہاوسنگ سکیم  ملازمین ہی کے پیسوں سے پایہ تکمیل تک پہنچانا  ہے جس میں صوبائی خزانہ سے ایک روپیہ خرچ نہیں ہوتا۔لہذا صوبائی حکومت سرکاری ملازمین کی مالی اور رہائشی مشکلات کے پیش نظر مجلس قائمہ نمبر29   برائے ہاوسنگ کے اجلاس مورخہ30جنوری2013  کو دی گئی  سفارشات پر عمل درآمد کرکے  پہلی اور دوسری قسط میں جمع شدہ رقم کو ایڈجسٹ کرکے   پے منٹ شیڈول جاری کی جائے تاکہ سرکاری ملازمین اپنے گھرو ں کے خواب کو شرمندہ تعبیر کرسکیں۔