میں وزیر برائے محکمہ ابتدائی و ثانوی تعلیم کی توجہ ایک اہم مسئلے کی طرف مبذول کراناچاہتی ہوں وہ یہ کہ  کوہاٹ میں محکمہ تعلیم نے ایک این جی او جسکا نام ہمقدم ہے۔ پرانے سکولوں کو نیا کرنے کا مشن سونپ رکھاہے۔ ہمقدم نے کوہاٹ کے مختلف سکولوں کو نیاکرنے کیلئے اجازت لی۔ جسمیں سے ایک سکول توغ بالا  ہائیر سیکنڈری سکول جسکی پرانی بلڈنگ کو گرا کرنئی بلڈنگ بنانے شروع کی ۔ پہلے دن سے ہی اسکانقشہ وغیرہ اس علاقے کے مطابق نہیں تھا۔ چھت ڈالتے ہی دوسرے دن تمام کی تمام چھت اور پلر زمین بوس ہوگئے اس عمارت کے ڈیزائن اور غیر معیاری تعمیر کی وجہ سے صوبے کے تمام زیر تعمیر سکولز غیر محفوظ ہوچکے ہیں۔ برائے مہربانی اس پر خصوصی توجہ دیکر صوبے کے بچوں کو محفوظ کیا جائے ۔