میں وزیر برائے محکمہ اعلیٰ تعلیم کی توجہ ایک اہم مسلے کی طرف مبذول کرانا چاہتی ہوں وہ یہ کہ محکمہ میں وائس چانسلرز کی تقرری قوائد وضوابط کےخلاف کی گئی ہے ایک وائس چانسلر جو سویڈن کا شہری تھا ۔ اس نےیونیورسٹی آف ٹیکنالوجی ، نوشہرہ کو تباہ وبرباد کرکے ملک سے فرار ہوگیا اور دوسراوائس چانسلر جوکہ برطانوی شہریت کا حامل ہے اس نے بھی صوبے کی واحد میڈیکل یونیوسٹی (خیبر میڈیکل یونیورسٹی پشاور)کو تباہی کے دہانے پر پہنچا دیا ہے اس ضمن میں ان کے تمام دستاویزات جس میں ان کا پاسپورٹ سپریم کورٹ کے آرڈر ، ٹریول ہسٹری اور وزیراعظم آفس کی انکوائری لف ہے۔لہذا مذکورہ وائس چانسلر کو فوری طور پر معطل کیاجائے اور ارکان اسمبلی پر مشتمل انکوائری کمیٹی بنائی جائے جو کہ تین دن کے اندر انکی انکوائری رپورٹ اسمبلی میں پیش کریں۔خیبر میڈیکل یونیورسٹی کے تمام سٹاف نے اپنی شہریت کے بارے میں معلومات سیکرٹری ہائریجوکیشن کو بھیجی ہیں۔ مگر مذکورہ وائس چانسلرنے اپنی دوہری شہریت کو ظاہر نہیں کیا ۔لہذا حکومت تمام سرکاری یونیورسٹیوں کے وائس چانسلروں کی شہریت ، تعلیمی اسناد اور یونیورسٹیوں میں جو بھرتیاں ہوئیں ہیں انکی تحقیقات کے لئے ایک کمیٹی بنائی جائے۔