میں اس معزز ایوان کی توجہ ایک اہم مسئلہ کی طرف مبذول کرانا چاہتاہوں وہ یہ کہ آج کل مارکیٹ میں کھلونا اسلحہ کی بھرمار ہے جس میں مقامی اور بیرونی ساختہ ایسے کھلونے بازاروں میں بچوں کو فروخت کئے جاتے ہیں اس قسم کے کھلونے بچوں میں سعادت مندی تحمل مزاجی اور علمی صلاحیتوں کو ختم کرنے میں معاون ثابت ہوتے ہیں اوران کی شروع سے ہی مجرمات تربیت کا سبب بن کر ان کے نفسیات کو پُرتشدد بناتا ہے نیز اس قسم کے کھلونوں سے کھیلنے اور دیکھنے والے دونوں متاثر ہوتے ہیں ۔لہٰذا حکومت بذریعہ قانون سازی یا حکومتی اتھارٹی کے ذریعے اس قسم کی کھلونوں کی تیاری درآمد اور فروخت پر پابندی لگانے کے اقدامات پر سنجیدگی سے غور فرماویں۔