میں نے پچھلےدن ایس ڈی او پیسکو مردان آفس کو فون کیا کہ میرے حلقہ نیابت کےیونین کونسل خزانہ ڈھیرئی میں بجلی کا ٹرانفسر خراب ہےاور وہاں کےلوگوں کو کافی تکلیف کا سامنا ہے جس کو ٹھیک کرنےکی اشد ضرورت ہے۔ ایس ڈی او  آفس سے جواب ملا کہ آپ ایس ڈی اور صاحب سے اپنے مسئلےپربات کریں۔ میں نےایس ڈی او کےموبائل فون پر کئی بارفون کیا مگر نہ انہوں نےفون اٹھایا اور نہ واپسی کال کرنےکی زخمت گوارا کیا۔ پھر میں نے تحصیل کونسلرخزانہ ڈھرئی کےہمراہ اپنے پرسنل اسسٹنٹ کو ایس ڈی او صاحب سے ملنےکےلیےبھیج دیاتاکہ ان سے بات ہوسکے۔ وہاں سے میرے پرسنل اسسٹنٹ نےمجھے فون کیا لیکن ایس ڈی او نے مجھ سے بات کرنےسے صاف انکار کیااورکہاکہ میں کسی ایم پی اے سےبات کرنےکا پابند نہیں ہوں جس سے نہ صرف میرا بلکہ اس پورے معززایوان کا استحقاق مجروح ہواہے ۔