بطور اقلیتی ممبر صوبائی اسمبلی میراحق بنتاہے کہ صوبے میں جتنےبھی اقلیتی امور کےجوکام ہیں ان میں مینارٹی افئیرڈیپارٹمنٹ کو میری بھی رائے لینی چاہئے۔آج تک جتنےبھی اقلیتی امور کی جتنی بھی میٹنگز ہوئی ہیں ان میں مجھے مدعو نہیں کیاگیااور جتنےبھی مذہبی تہوار ہوئے ہیں ان میں میری کوئی رائے نہیں لی گئی ۔چونکہ اقلیتی ADPفنڈ کسی مخصوص ایم پی اے کانہیں ہے۔جب میں نےیہ ساری بات سیکرٹری مینارٹی آفیسر سےکی اور کہا کہ مجھےکیوں نہیں بلایااقلیتی امور کی میٹنگز میں تو انھوں نےکہاکہ آپ کانمبر نہیں ملتا تومیں نےکہا کہ مجھے میٹنگز کاایجنڈااور لیٹرایک دن پہلےایم پی اے ہاسٹل بھیج دیاجایاکرے لیکن سیکرٹری صاحب نے جواب دیاکہ میرےپاس اتنا سٹاف نہیں ہے جو آپ کےلیےلیٹرلکھاجائے۔ میٹنگزکاایجنڈا اور لیٹربیھجنامیراحق ہے لیکن سیکرٹری صاحب کےاس جواب سےبطور رکن صوبائی اسمبلی میرااستحقاق مجروح ہواہے ۔لہذا اس کی چھان بین کرنی چاہیئے اور معاملہ سٹینڈنگ کمیٹی کو بھیج دیاجائے۔