مجلس قائمہ نمبر12برائےمحکمہ صحت کااجلاس مورخہ 6اگست 2019ءکو منعقد ہواجس میں مسمی امیرامان اللہ،وائس ڈین گومل میڈیکل کالج ، ڈیرہ اسماعیل خان نے محکمے کی جانب سےشرکت کی۔ مذکورہ افسرنےکمیٹی کےاجلاس میں غیرذمہ دارانہ رویہ اختیارکیاہواتھا جس پرچیئرپرسن صاحبہ ، مجلس قائمہ نےان کو تنبہی بھی کی لیکن وہ اپنے اس رویہ سے باز نہ آیااور مسلسل کمیٹی کی کارروائی میں رکاوٹ ڈالتا رہا جس پرچیئرپرسن صاحبہ نےان کو اجلاس سےچلےجانےکاکہا۔ موصوف جب کانفرنس روم سےباہرجانےلگا توانتہائی غیرمناسب انداز میں مخاطب ہوتے ہوئےکمیٹی ممبران کو دھمکی دی کہ وہ کمیٹی ممبران کا اس کاجواب دیگا۔لہذا تحریک پیش کی جاتی ہے کہ مذکورہ معاملے کو مزید کارروائی کےلیےمجلس قائمہ نمبر1برائےاستحقاقات کو حوالےکی جائے تاکہ مذکورہ افسرکی خلاف قانون کےمطابق کارروائی کی جاسکے۔