جناب سپیکر صاحب میرے حلقہ پی کے 60 ضلع چارسدہ میں محکمہ صحت کے مختلف (BHUs) اور تحصیل ہیڈ کواٹر ہسپتال میں سٹاف کی کمی کا سلسلہ چل رہاہے جس کی وجہ سے متعلقہ اداروں کے انتظامی امور کے ساتھ ساتھ عوام کو بھی شدید مشکلات کا سامنا ہے اس  کے لئے  میں نےمسلسل ڈی ایچ او ضلع چارسدہ  سے رابطہ کرنے کی کوشش کی لیکن موصوف مجھ سے رابطہ کرنے کی زحمت گوارہ نہیں کررہا ۔لہذا اس سلسلے میں نے جناب  خالد خان صاحب چیئرمین  ڈی ڈی اے سی سے  درخواست کی کہ آپ اپنے دفتر میں میٹنگ بلوائے تاکہ جناب فیاض خان صاحب DHO سے تفصیلی بات ہوسکے۔جناب سپیکر صاحب DHO صاحب نے انٹرویو کا وجہ بناتے ہوئے آنے سے معذرت کرلی اس کے بعد جناب خالد خان صاحب چیئرمین ،DDAC نے DC چارسدہ سے درخواست کی کہ وہ اپنے آفس میں میٹنگ بلائے تاکہ اس کی توسط سے DHO صاحب سے ملاقات کی شرف حاصل ہوسکے۔جناب سپیکرصاحب DHOفیاض خان صاحب نے وزیر صحت صاحب سے میٹنگ کا کہا اور عین موقع پر آنے سے معذرت کرلی اس دوران میں نے وزیر صحت صاحب کے آفس کو فون کیا اور جناب نیاز محمد پی ایس او ٹو وزیر صحت سے دریافت کیا کہ وزیر صحت کا ڈی ایچ او چارسدہ کے ساتھ میٹنگ ہونے جارہاہے جس پر جناب نیاز محمد صاحب نے بتایا کہ وزیر صاحب تو لاہور گئے ہوئے ہیں۔لہذا جناب فیاض صاحب DHO کے اس روئے اور دروغ گوئی سے نہ صرف میرا بلکہ پورے ایوان کا استحقاق مجروح ہواہے