(ا)  آیا  یہ درست ہے کہ صوبے اور ملحقہ  قبائلی علاقوں  میں قائم کیڈٹ کالجز کے بورڈ آف گورنر کا وزیراعلیٰ خیبر پختونخوا پٹرن ان چیف جبکہ وزیر خزانہ یا سیکرٹری خزانہ ، وزیر تعلیم  یا سیکرٹری تعلیم ،متعلقہ کمشنر کا نمائندہ بطور ممبران شامل ہو تے ہیں ؟

(ب) آیا یہ بھی درست ہے کہ صوبائی حکومت کیڈٹ کالجز کو گرانٹ / فنڈ وغیرہ جاری کرتی ہے ؟

(ج) اگر (ا)و(ب)کے جوابات اثبات میں ہو ں تو :۔

(i)  صوبے  اور ملحقہ  قبائلی علاقوں میں کل کتنے کیڈٹ کالجز قائم ہیں تفصیل فراہم کی جائے ۔

(ii) صوبائی حکومت کی طرف سے مذکورہ کالجوں کیلئے گزشتہ پانچ سالوں کے دوران کل کتنی گرانٹ /فنڈ جاری کئے گئے ہیں ۔ کالج کا نام ، گرانٹ /فنڈ کی سالانہ وائز تفصیل الگ فراہم کی جائے ۔ نیز گرانٹ کی منظوری کے طریقہ کار کی بھی تفصیل فراہم کی جائے ۔

(iii) حکومت کی طرف سے کیڈٹ کالج ورسک کے قیام سے تاحال گرانٹ /فنڈ جاری کئے گئے ہیں اگر نہیں تو وجوہات بتائی جائے ۔ آیا حکومت کیڈٹ کالج ورسک کے مالی مشکلات کے پیش نظر اور ضروری کاموں کیلئے گرانٹ جاری کرنے کاارادہ رکھتی ہے ؟