کیا وزیر عملہ ارشاد فرمائیں گے کہ

(ا)   آیا یہ درست ہے کہ احتساب کمیشن کے قانون کے مطابق کمیشن میں کنٹریکٹ اور ایڈہاک پر بھرتیوں کی گنجائش نہ ہونے کے باوجود بھی  بھرتیاں کی گئی ہیں ؟

(ب)  آیا یہ بھی درست ہے کہ مذکورہ تمام بھرتیاں اخبارات میں اشتہار دیئے بغیر کی گئی ہیں جو کہ صوبائی کنٹریکٹ پالیسی کی خلاف ورزی بھی ہے ؟

(ج)  اگر الف وب کے جوابات اثبات میں ہو ں تو :۔

(i)   کمیشن کے قیام سے تاحال کتنی آسامیوں پر کنٹریکٹ اور ایڈہاک پر بھرتی کی گئی ہے بھرتی شدہ افراد کے نام ، تعلیمی قابلیت ، عہدہ ، ڈومیسائل اور شناختی کارڈ کی مکمل تفصیل فراہم کی جائے ۔

(ii)   جن آسامیوں پر ریگولر بھرتی کی گئی ہے ان کے نام ، عہدہ ، ڈومیسائل ، شناختی کارڈ اور اخباری اشتہار کی تفصیل بھی فراہم کی جائے ۔

(iii)  ریگولر ، ایڈہاک اورکنٹریکٹ پر بھرتی کیئے گئے ملازمین کی میرٹ لسٹ کی کاپی فراہم کی جائے ۔

(iv)  تمام غیر قانونی ملازمین  بھرتی کرنے والے افسران  کے خلاف اب تک کیا کارروائی عمل میں لائی گئی ہیں نیز کتنے ملازمین کو فارغ کیا جا چکا ہے اُن کے نام و عہدہ کی بھی تفصیل فراہم کی جائے