کیا وزیر برائے اعلیٰ تعلیم ارشاد فرمائیں گے کہ

(ا)   آیا یہ درست ہے کہ صوبائی حکومت نے ڈاکٹرافتخار کو ایبٹ آباد یونیورسٹی آف سائنس اینڈ ٹیکنالوجی کا وائس چانسلر تعینات کیا تھا ؟

(ب)  آیا یہ بھی درست ہے کہ مذکورہ وائس چانسلر پر غیر قانونی بھرتیوں اور کرپشن کے الزامات  ہیں ؟

(ج)  آیا یہ بھی درست ہے کہ  پراجیکٹ نمبر1400 /16/462 پر سابقہ پراجیکٹ ڈائریکٹر غفور بیگ نے یونیورسٹی بلاک کیلئے 23 کروڑ روپے کی لاگت کی منظوری دی تھی جبکہ مذکورہ وائس چانسلر نے بغیر کسی بجٹ اور اپروول کے لاگت بڑھاکر 33 کروڑ روپے کر دی ؟

(د)   آیا یہ بھی درست ہے کہ  صوبائی حکومت نے مذکورہ وائس چانسلر کی مدت ملازمت میں توسیع کی خاطر صوبے کی آٹھ بڑی یونیورسٹیوں کے نئے وائس چانسلرز کی تعیناتی کے اشتہار کو روکے رکھا  ؟

(ھ)   اگر (ا) تا (د) کے جوابات اثبات میں ہو ں تو :۔

(i)   مذکورہ وائس چانسلر کے خلاف اب تک کتنی انکوائریاں مقرر کی جاچکی ہیں اور اُن پر کتنا عمل درآمد ہوا ہے انکوائریوں کی نقول اور اُن پر کئے جانے والے عمل درآمد کی تفصیلات فراہم کی جائے ۔

(ii)   مذکورہ یونیورسٹی بلاک پراجیکٹ کی لاگت بڑھانے اور اُس وقت بجٹ پوزیشن اور اپروول کی مکمل تفصیل فراہم کی  جائے ۔ نیز حکومت کب تک آٹھ بڑی یونیورسٹیوں کے وائس چانسلر کی تعیناتی کو مشتہر کرنے کا ارادہ رکھتی ہےتفصیل فراہم کی جائے۔