مسلمانوں کے ایمان کے ساتھ ساتھ حج کی سعادت کا حصول ایک اہم فریضہ ہے جو ہر غریب و امیر کی خواہش ہوتی ہے کہ وہ اللہ کے گھر کی زیارت کرے اور روضہ رسول ﷺحاضری دے ۔

 پاکستان ایک اسلامی جمہوری مملکت ہے جو کہ لاالٰہ اللہ کے نام سے آزاد ہوا ہے یہاں کے رہنے والے مفلوک الحال ہونے کے ساتھ ساتھ دین پر مر مٹنے والے ہیں اور ہر غریب عمرہ اور حج کی ادائیگی  کے لئے زیورات تک بھیجتےہیں اور پیسہ پیسہ اکٹھا کر کے اللہ کے گھرکی زیارت کو سعادت سمجھتے ہیں جو حقییقتاایک بہت بڑی سعادت ہے ۔

 لیکن موجودہ حکومت کی حال ہی میں حج پالیسی کے اعلان کے بعد غریب مزید پریشان ہو گیا ہے اور اس پالیسی سے حج جیسی سعادت سے خود کو محروم کرنے کے مترادف سمجھتاہے ۔

لہٰذا یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ وہ حج پالیسی میں حج اخراجات کے اپنے فیصلے پر نظر ثانی کرے اور حج اخراجات کا اضافہ واپس لیا جائے۔