یہ صوبائی اسمبلی مرکزی حکومت سے پرزور مطالبہ کرتی ہے ۔ کہ وزیراعظم پاکستان کے ہدایت کے مطابق طورخم کا راستہ غلام خان 24گھنٹے کھلا رکھنا چاہئے۔ راستہ کھلنے سے ملک کےبرآمدات میں اضافہ ہو گا ۔ اور افعانستان پاکستان کے عوام کے آمددرفت میں آسانی ہو گی ۔خصوصاً صوبہ خیبر پختونخواہ کو بہت بڑا فائدہ ہو گا ۔ یہ صوبائی اسمبلی یہ بھی مطالبہ کرتی ہے کہ طورخم کے راستے تجارتی سرگرمیوں کےفرو غ کے لئے آسانیاں پیدا کی جا ئیں تا کہ دونوں ممالک کا اعتماد بحال ہو ۔اور دونوں پڑوسی ممالک کی غلط فہمیاں دور ہوں ۔ اور دونوں مما لک کے درمیان تجارتی اور کاردباری سرگرمیاں فروغ  پائیں۔جس سے ہمارے ملک کے کمزورمعیشت کو سہارا ملے گا ۔روزگارکے مواقع پیدا ہوں گے ۔