میں صوبائی اسمبلی خیبر پختونخوا کے قواعد انضباط و طریقہ کار 1988ء کے قاعدہ 123 کے تحت اپ کی وساطت سے اس معزز ایوان میں قرارداد پیش کرتاہوں کہ یہ ایوان حکومت سے اس امر کی سفارش کریں کہ صوبہ بھر کی تمام جامعات میں قرآن پاک ترجمہ کے ساتھ پڑھانے کا لازمی اہتمام کیا جائے کیونکہ یہ عمل آئین پاکستان کی اصل روح کی عین مطابق ہے۔

     دستور پاکستان میں واضح طور پر درج ہے کہ ملک کا سرکاری نام اسلامی جمہوریہ پاکستان ہوگا اور قرآن و سنت کو یہاں پر سپریم لاء کا درجہ حاصل ہوگا لہذا ضرورت اس امر کی ہے کہ اعلیٰ تعلیمی اداروں (جامعات)میں قرآن فہمی کا بھر پور اہتمام ہو اور اس مقصد کے لئے صوبہ بھر کی تمام جامعات میں قرآن کو قومی زبان اردو میں پڑھانے کا اہتمام لازمی کیاجائے تاکہ قرآنی تعلیمات سے بہتر انداز میں استفاد ہ کیا جاسکے۔