ر گاہ کہ کینٹونمنٹ بورڈ ایبٹ آباد نے رہائشی اور کمرشل جائیدادوں پر 10 سے 11 فی صد زیادہ ٹیکس لگا یا ہے جبکہ کینٹونمنٹ بورڈ ایبٹ آباد کے بیشتر علاقے حالیہ جولائی کے مہینے میں بارشوں سے شدید متاثر ہوئے۔ان کو ریلیف دینے کی بجائے مزید ٹیکس میں اضافہ کردیا ہے۔

    لہذایہ اسمبلی صوبائی حکومت سے سفارش کرتی ہے کہ وہ مرکزی حکومت سے اس امر کی سفارش کرے کہ وہ کینٹونمنٹ بورڈ ایبٹ آباد کو ٹیکس میں غیر معمولی اضافہ سے روکے اور موجودہ سال سیلاب کی تباہ کاریوں کی وجہ سے اس ٹیکس میں چھوٹ دی جائے۔

اوورسیز پاکستانی ملک کی معیشت میں ریڑھ کی ہڈی کی حیثیت رکھتے ہیں ۔ہمارے سعودی عرب میں کام کرنے والے اووسیز بھائی ایک لمبے عرصے سے ڈائریکٹ فلائیٹس کی بندش کی وجہ سے پاکستان میں پھنسے ہوئے ہیں ،لاکھوں افراد بے روگار ہو چکے ہیں اور واپس جانے کے لئے مختلف اور مشکل حربے اختیار کرنے پر مجبورہیں ایک مافیا نے ان لا چار مزدروں سے لاکھوں روپے فی کس وصول کرکے لوگوں کو براستہ کینیا ازبکستان تاجکستان مالدیپ بحرین اور کئی افراد کو براستہ افغانستان بھی بھیج رہے ہیں تقریباً  تین لاکھ اوورسیز پاکستانی اس وقت پاکستان میں پھنسے ہو ئے ہیں اور مکمل طور پر  ویکسینیٹڈہیں اور ویکسین بھی وہی جو سعودیہ حکومت اور WHOکی Approvedکردہ ہے ویکسین لگواکے اب ڈائریکٹ فلائیٹس کا انتظار کر رہے ہیں ۔

    لہذا یہ اسمبلی وفاقی حکومت بذریعہ قرارداد مطالبہ کرتی ہے کہ سعودی عرب حکومت سے فوری طور پر رابطہ کرکے ڈائریکٹ فلائٹس بحال کرنے کے لئے اپنا اثر و رسوخ استعمال کرے تاکہ یہ لوگ واپس جا کر اپنی محنت مزدوری کر سکیں اور ملکی معیشت کے ساتھ ساتھ اپنا گھر کا نظام بھی با عزت طریقے سے چلا سکیں۔

ہر گاہ کہ ڈسٹرکٹ ایبٹ آباد بھی ڈی آئی خان ، مردان اور سوات اضلا ع کی طرح کیٹیگری بی کے زمرے میں آتا ہے ۔لیکن اس کےباوجود ایوب ٹیچنگ ہسپتال ایبٹ آباد کے ٹی ایم اوز اور ہاؤس آفیسر ز کو کیٹیگری بی کا الاؤنس نہیں دیا جاتا۔جوکہ ان ٹی ایم اوز و ہاؤس آفیسر ز میں پائی جانے والی تشویش کا باعث ہے۔

    لہذا یہ اسمبلی صوبائی حکومت سے پُرزور سفارش کرتی ہے کہ ایوب ٹیچنگ ہسپتال ایبٹ آباد میں تعینات ٹی ایم اوز و ہاؤس آفیسرز کو بھی کیٹیگری بی الاؤنس دیا جائے۔

ر گاہ  کہ ضلع ایبٹ آباد حلقہ PK36میں سرکل بوئی ،سرکل بیروٹ سرکل نگری ٹیوٹیال،سرکل لورہ،سرکل قلندرآباد ،سرکل نتھیا گلی تمام کا تمام پہاڑ ی علاقوں پر مشتمل ہے اس کے علاوہ حلقہ PK41ہری پور کے سرکل خانپوراور سرکل کو ہالہ  بالا بھی پہاڑی علاقوں پر مشتمل ہے ۔اس کے علاوہ ضلع مانسہرہ اور ضلع تورغرکے پہاڑ ی علاقوں کے اساتذہ کرام  مردانہ وزنانہ کو Hard area الاونس نہیں دیا جارہا ہے ۔اساتذہ کرام کو اپنے فرائض منصبی سرانجام دینے میں سخت مشکلات کا سامنا ہے اوریہ  اساتذہ کرام کئی کئی کلومیڑ پہاڑی دشوار گزار راستے طے کرکے اپنے فرائض نبھاتے ہیں ۔

    لہذا یہ اسمبلی صوبائی حکومت سے سفارش کرتی ہے کہ مذکورہ بالا علاقوں کے اساتذہ کرام کو Hard area الاؤنس دیا جائے۔

ہر گاہ کہ ریسکیو 1122 کے جوان ہر وقت اپنی جان کو خطرے میں ڈال کر لوگوں کی جان بچاتے ہیں۔ یہ جوان ہر قسم کی ناگہانی آفات سے نمٹنے کے لئے اپنی جان کی پرواہ کئے بغیر فوری طور پر رد عمل دے کر لوگوں کی بے لوث خدمت کرتے ہیں ۔ مزید براں کرونا جیسی وباءمیں بھی مثالی کردار ادا کیا ۔بغیر کسی جھجک کے مریضوں کو شفٹ کرتے ہوئے سہولیات بہم پہنچاتے رہے۔

    اس لئے یہ اسمبلی صوبائی حکومت سے پُر زور سفارش کرتی ہے کہ ان کو رسک الاؤنس ،پروفیشنل الاؤنس اور ایف ڈی اے الاؤنس دیا جائے۔ تاکہ یہ نوجوان اسی جذبے سے سرشار ہوکر قومی خدمت کا یہ فریضہ انجام دیتے رہیں۔

ہر گاہ کہ یہ ایک مسلمہ حقیقت ہے کہ منشیات کا استعمال اور اس کی سمگلنگ عالمی سطع پر ایک ناپسندید ہ قبیح اور غیر قانونی کا روبارہے اور اس گھناؤنے کاروبار میں کسی بھی سطح پر ملوث تمام انسانیت دشمن عناصر کو سخت سے سخت سزا دینے کی ضرورت ہے لیکن جناب اسپیکر یہ بھی ایک تلخ حقیقت ہے کہ اس کاروبارسے وابسط تمام لوگ عالمی سطح پر اتنا اثر ورسوخ رکھتے ہیں کہ ترقی یافتہ ممالک کے لئے بھی ان کو قانون کے شکنجے میں لانا مشکل ہو جاتا ہے ۔ میں آپ کی وساطت سے اس معززایوان کے سامنے اسی نوعیت کا ایک مسئلہ پیش کرنا چاہتا ہوں اور وہ یہ کہ فائیوریورشیپنگ کمپنی کا جہاز MV,MELIK.2بند عباس پورٹ ایران سے مارچ 2019کو مصر کے لئے روانہ ہوا اس جہاز پر چھ پاکستانی بھی سوار ہوئے جن میں سے دو کا  تعلق میرے حلقہ نیابت سے ہے (۱) ظہور احمد ولد خونہ گل سکنہ کبل سوات  (۲)صدام حسین ولد خائستہ باچا سکنہ دیولئی کبل سوات

    مذکورہ بالا جہاز کے سامان میں سے دو ٹن منشیات بھی مصر کے حکام نے پکڑے ہیں اور پھر ان تمام لوگوں پر عدالت میں کیس چلایا گیا اور 5جولائی 2021کوان تمام لوگوں کو پھانسی کی سزا سنائی گئی ۔ سزاکے خلاف اپیل ساٹھ دنوں میں داخل کر سکتے ہیں ۔

 یہ ایک عدالتی کاروائی ہے اور اس ملک کے مروجہ قانون کے مطابق شائد یہی سزا ہو گی لیکن اگر  اس سز ا پر عمل درآمد ہو تو یہ ایک انتہائی نا انصافی اور ظلم کی بات ہو گی کیونکہ درجہ بالا دونوں افراد نے نہایت کسمپرسی کے حالت میں قرض لیکر جہاز پر جانے کے لئے کا غذات بنوائے ۔

          لہذا یہ ناممکن ہے کہ یہ لوگ ٹنوں کے مقدار میں منشیات خرید سکے ۔اس کے علاوہ تمام پاکستانی فروری 2019میں ایران گئے اور کچھ دن شیپنگ ایجنٹ کے ریسٹ  ہاؤس میں رہنے کے بعد جہاز پر سوار ہوئے ۔

          لہذا یہ اسمبلی صوبائی حکومت سے سفارش کرتی ہے کہ وہ وفاقی حکومت (وزارت خارجہ ) سے سفارش کریں کہ مذکورہ افراد کو بھر پور قانونی امداد فراہم کی جائے اور اعلی ٰ  حکومتی  سطح پر ان منشیات کے اصلی مالکان کا تعین کیا جائے اور اُن لوگوں کو قرار واقعی سزادی جائے۔

یہ اسمبلی اس امر کی پرزور مذمت کرتی ہے کہ مورخہ 25 اگست 2020ء کو اسمبلی اجلاس کے دوران ممبر اسمبلی جناب عصام الدین صاحب نے پوائنٹ ا ف آرڈر پر بحث کرتے ہوئے دھمکی دی کہ اپنے ساتھ بم کو لپیٹ کر اور اپنا واسکٹ بموں سے بھرکر اس ایوان پر حملہ کرینگے اور سب کچھ تہس نہس کر دیں گے۔جو کہ انتہائی قابل افسوس اور مذمت ہے۔اور مزید یہ کہ جمعیت علماء اسلام سے بھی پرزور مطالبہ کیاجاتا ہے ۔کہ ایسے لوگوں کےخلاف سخت کارروائی کی جائے اور اپنی صفوں میں سے ان جیسے لوگوں کی نشاندہی کریں جو اس معزز ایوان پر حملہ کرنے کی بات کرتےہیں ۔اور تشدد کو بڑ ھاوا دیتے ہیں۔

    جناب سپیکر صاحب ! اس کے ساتھ ساتھ آپ سے بھی مطالبہ کیا جاتا ہے کہ کم از کم ان کو صرف آج کی کارروائی کے لئے اس معزز ایوان سےنکالا جائے تاکہ اس ایوان کے تقدس کو بحال کیا جائے۔

    خیبر پختونخوا کے عوام کا یہ نمائندہ ایوان دنیا بھر میں آزادی کے لئے جدوجہد کرنےوالے عظیم رہنما اور دنیا بھر کے حریت پسند وں کےلئے مشغل راہ سید علی گیلانی کی وفات کو پوری امت مسلمہ سمیت آزادی کے لئے برسر پیکا ر حریت پسندوں کے لئے باقابل تلافی نقصان قرار دیتاہے۔ سید علی گیلانی 74 سال سے پاکستان کےساتھ والہانہ محبت کا عملی مظاہرہ کرنے والی ایسی قد آور شخصیت ہیں ۔ جن کی ساری زندگی پاکستان کے وفا اور کشمیری عوام کی حقیقی آزادی کے لئے گرانقدر خدمات سے عبارت ہے انہوں نے پاکستان سے اپنی محبت کو اپنی زندگی تک محدود نہیں رکھا بلکہ ان کی منشاء کے مطابق ان کی جسد خاکی کو پاکستان کے سبز ہلالی پرچم میں لپیٹ کر سپر د خاک کیا گیا۔

م تمام مسلمان نبی آخرالزمان حضرت محمد ﷺکےاللہ تعالیٰ کے آخری نبی ہونےپر حتمی غیر مشروط ایمان رکھتے ہیں۔جس طرح اور دستاویزات میں خاتم النبین ﷺسے متعلق حلف نامہ درج ہے۔ اسی طرح نکاح نامہ فارم میں خاتم النبین ﷺ کا حلف نامہ شامل کرنا ناگزیر ہے۔

لہذا یہ اسمبلی صوبائی حکومت سے سفارش کرتی ہے کہ وہ مرکزی حکومت سے اس امرکی سفارش کرے کہ مسلم عائلی قوانین کے تحت مجوزہ نکاح نامہ فارم میں ختم نبوت کا حلف نامہ شامل کیا جائے۔

This August House proposes to stop   Notional Highway Authority (NHA) for bidding /Construction of Toll Plaza at Chakdara Bridge River Swat (N.45), Lower Dir, Which is against the Parameters& Regulation of NHA (Ministry of Communication).

یہ صوبائی اسمبلی صوبائی حکومت سے اس امر کی پر زور سفارش کرتی ہے کہ اس صوبے کے تمام جامعات /یونیورسٹیز کے جملہ کنٹریکٹ /ڈیلی ویجز کے حاضر سروس یافارع شدہ ملازمین (جن کا تعلق مختلف کیڈر ز سے ہے )کو مستقل کاکیا جائے جیسا کہ 2018سے پہلے اور بعد میں سینکڑوں پراجیکٹس اور مختلف محکمہ جات کے ملازمین جن میں ڈاکٹر ز ،انجنئیر ز سیکنڈری اور پرائمری سکولوں کے اساتذہ اور دیگر افسران و اہلکار شامل تھے ،کو مستقل /ریگولرائز کیا جا چکا ہے ۔ لیکن بدقسمتی سے مختلف یو نیورسٹیز کے ان ملازمین کو اب تک مستقل نہیں کیا گیا ہے ۔جبکہ ان میں بہت سے ملازمین دس بارہ سال سے خدمات سر انجام دے رہے ہیں ۔ان میں اعلی تعلیم یا فتہ جبکہ PHDببھی موجود ہیں اور بہت سے ملازمین اب عمر کی حد (Over Age)بھی کراس کر چکے ہیں جس کی وجہ سے یہ کہیں اور بھی اب ملا زمت کے لئے اہل نہیں ہیں جو کہ سراسر ظلم اور ناانصافی ہے ان کے کنٹریکٹ کسی بھی وقت ختم ہو سکتے ہیں اور بہت سے ملازمین کے کنٹریکٹ ختم بھی ہو چکے ہیں ۔

لہذا یہ صوبائی اسمبلی پر زور مطالبہ کرتی  ہے کہ ان ملازمین کو مستقل ریگولرائز کیا جائے۔

یہ اسمبلی صوبائی حکومت سے سفار ش کرتی ہے کہ وہ وفاقی حکومت کو بنوں میں ولسیٹ سائیڈ پر دریافت شدہ گیس کے ذخائر اور پائپ لائن جو کہ بنوں سے گزار کر ملک کے دوسرے حصوں میں پہچانے کے لئے پائپ لائپ پر کام ہو رہاہے اس پائپ لائن پر مقامی لوگوں اور ضلع بنوں کا حق تسلیم کیا جائے۔کیونکہ بنوں کے عوام کو خدشات ہے کہ اس دریافت شدہ گیس کو بنوں کے بجائے ملک کے دوسرے حصوں میں لے جایا جا رہاہے اور ان خدشات کی بناء پر بنوں کے عوام مجھ سمیت کافی غم وغصہ پایا جاتا ہے اور اس بناء پر کہ اس گیس پر پہلا ہمارا آئینی بھی حق ہے اور اس حق سے ٕمحروم کرنے اور کروانے والوں کے خلاف کسی قسم کے اقدام سے دریغ نہیں کرین گے اور اس بناٰ ء پر مقامی لوگوں نے گیس پائپ لائن کام بھی بند کرایا ہے۔اس لئے میں ایوان کی وساطت سے وفاقی حکومت اور محکمہ گیس سے مطالبہ کرتا ہوں کہ بنوں میں دریافت شدہ گیس پر مقامی لوگوں کا حق تسلیم کیا جائے۔کیونکہ ہمارے علاقہ جات کا سروے بھی محکمہ سوئی گیس سے 2 سال پہلے کررایا ہے۔اور میرے حلقہ منڈان ، خواجہ مد منڈان ،کیوتر فتح خیل ککی ون ،ککی ٹو ، خوجڑی ،بھرت ،نار جعفر،شمسی خیل غوریوالہ ، اسماعیل خیل ،میرا خیل ،کوٹ قلندر ،جھندوخیل ،کالا خیل اور پورے ضلع بنوں سمیت بنوں کے بر تھیل جس میں تحصیل بنوں ،تحصیل ککی ،تحصیل میریان ، تحصیل بکا خیل ،تحصیل ڈومیل میں دی جائے ۔بصورت دیگر حالات کے خراب ہونے کی ذمہ داری وفاقی حکومت اور محکمہ گیس پر ہوگی۔

یہ صوبائی اسمبلی وفاقی حکومت کی جانب سے ملک کے سب سے بڑے نیوزچینل ARYنیوز کی بندش کی شدید الفاظ میں مذمت کرتی ہے اور اس اقدام کو آزادی صحافت پر قد غن قرار دیتی ہے ۔حالانکہ سندھ ہائی کورٹ نےARYنیوز کی نشریات فوری طور پر بحال کرنے کے احکامات بھی جاری کئے ہیں ۔وزرات داخلہ کی طرف سے ARYنیوز کیNOCمنسوخ کرنا انتہائی زیادتی اور تعصب پر مبنی ہے ۔اس فیصلے سے ادارے کے ساتھ جڑے سینکڑوں ملازمین بے روزگار ہوئے ہیں ۔

لہذا یہ ایوان وفاقی حکومت سے ARYنیوز کی نشریات فوری طور پر بحال کرنے کا مطالبہ کرتا ہے ۔

         ہرگاہ کہ پیڈو خیبرپختونخوا کہ وفاقی حکومت کے ذمہ ملاکنڈ تھری ،پہہو ر ، درال خوڑ مچئی  اور رینالویہ کے واجبات کی مد میں10.187 ارب روپے   واجب الادا ہیں جس کو مختلف فرم پر اٹھایا گیاہے اورصوبائی اسمبلی کی  توانائی و برقیات کی سٹینڈنگ کمیٹی نے اپنی 27 جولائی 2022 کے منعقدہ اجلا س میں متعلقہ واجبات وفاقی حکومت سے وصول کرنے کی سفارش کی تھیں ۔

          لہذا یہ  اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفار ش کرے  کہ صوبے کو مذکورہ 10.187 ارب روپے کی واجبات  کو جلد ازجلد صوبائی حکومت کو دی جائے ۔

                               ہرگاہ کہ آئین کے آرٹیکل 158کے تحت جس صوبے میں گیس پیدا ہورہی ہو اس کی ضروریات کو مقدم رکھاجائےگا چونکہ صوبہ خیبر پختونخوا  کی گیس کی پیداوار اپنی ضرورت سے زیادہ ہے جو کہ تقربیاً چار (04) ڈالر فی ملین بی ٹی یو( (MMBTU کے حساب سے سستی ترین گیس پیدا کررہی ہیں جبکہ درآمدشدہ گیس کی قمیت 25ڈالر فی ملین بی ٹی یو بنتی ہے وفاقی حکومت ساری گیس کو یکجاکرکے اوسط نرخ مقرر کرتی ہے جس کو  Weighted Average Cost of Gas کہا جاتا ہے جس سے اربوں روپے کا بوجھ صوبے خیبر پختونخوا کے صارفین پر پڑتاہے جوکہ سراسر ناانصافی ہے

لہذایہ  اسمبلی صوبائی حکومت سے اس امر کی سفارش کرتی ہےکہ وہ وفاقی حکومت سے اس امر کی سفارش کرے  کہ صوبے کو آئین میں دئیے گئے اختیارات کے تحت  خیبر پختونخوا کے عوام کو مقدم رکھتے ہوئے چار (04) ڈالر فی ملین بی ٹی یو( (MMBTU کے حساب سے گیس فراہم کی جائے۔

                                           ہرگاہ کہ وفاقی حکومت نے 30اگست 2012میں پیٹرولیم پالیسی کی منظوری دی جس میں دریافت شد ہ ذخائر پر    Windfall Levy on Oil کی منظوری دی گئی ہے کہ ونڈفال لیوی کو صوبوٕں اور وفاق میں برابر تقسیم ہونا ہے جس کی اب تک تقریباًٍ 40ارب روپےکی رقم صوبائی حکومت کی طرف سے وفاقی حکومت کوواجب الادا ہیں۔

     لہذایہ  اسمبلی صوبائی حکومت سے اس امر کی سفارش کرتی ہےکہ وہ وفاقی حکومت سے اس امر کی سفارش کرے کہ مذکورہ رقم وفاق کی پالیسی کےمطابق صوبائی حکومت کو جلد از جلد فراہم کی جائے۔

یہ ایوان کثرت رائے سے پاکستان تحریک انصاف کے چیئرمین جناب عمران خان کے خلاف ہونے والے الیکشن کمیشن کے فیصلے کو جانبدارانہ ،خلاف واقعات، خلاف قانون اور آئین کے منافی قرار دیتا ہے۔ملک کے سب سے ہردلعزیز اور نیک نام سیاست دان جسکی ساری زندگی کرپشن اور سیاسی خیانت کے خلاف جہاد کرتے گزاری ہےکو جھوٹے الزامات پر نااہل قرار دینا انصاف کے قتل کے مترادف ہے جسے یہ ایوان کثرت رائے سے نہ صرف مسترد کرتا ہے بلکہ اسے جمہوریت پرشب خون قرار دیتا ہے۔ امپورٹڈ وفاقی حکومت کی ایما پرکٹھ پتلی الیکشن کے اس قسم کے فیصلے پاکستان تحریک انصاف کو حقیقی آزادی کے حصول کے لئے جاری جہاد میں اپنی منزل کے حصول سے روکنے  کے لئے نہ صرف ریت کی دیوار  ثابت ہونگے بلکہ ملک کے لئے جگ ہنسائی کا سبب بنے گے ۔ یہ ایوان یہ امید کرتا ہے کہ اعلی عدلیہ نہ صرف فوری طورپر اس ناانصافی کا نو ٹس کے گی بلکہ ضروری سرعت رفتار کے ساتھ اس فیصلے کو  جلدازجلد منسوخ فرما کر پاکستان کی عوام میں پھیلی بےچینی اور مایوسی کا مداوا کرے گی۔

صوبائی اسمبلی خیبر پختونخوا کے قواعد انضباط وطریقہ کار 1988ء کے قاعدہ 123 کے تحت آپ کی وساطت سے اس معزز ایوان میں قرارداد پیش کرتا ہوں جو کہ سابقہ قبائلی اضلاع اور ملاکنڈ ڈویژن کے اضلاع میں ٹیکس کی وصولی میں رعایت کادورانیہ 2033 ء کے تک بڑھانے سے متعلق ہے۔

حکومت نے 25 ویں آئینی ترامیم کے نتیجے میں وفاق کے زیرانتظام قبائلی اضلاع اور خیبرپختونخوا کے ملا کنڈ ڈویژن کی قبائلی حیثیت کو ختم کرکے اسے بندوبستی اضلاع میں شامل کرنے کا فیصلہ کیا تھا جس کے نتیجے میں یہ طے پایا تھا کہ سابقہ قبائلی اضلاع اور ملاکنڈڈیژن میں شامل اضلاع میں 2023ء تک ٹیکس کی چھوٹ حاصل ہوگی اوراس استثنٰی میں مذید توسیع کی گنجائش بھی دی گئی تھی۔ بد قسمتی سے گذشتہ دودہائیوں سے ملاکنڈڈوژن قدرتی اورانسانی  دیزاسٹرزکی لپیٹ میں رہاہے ۔زلزلوں اور پے در پے سیلابوں کی علاوہ ماضی میں یہاں پرحکومتی آپریشنوں نے لوگوں کے کاروبار اور معیشت کو ناقابل تلافی نقصان پہنچایا ہے اور پھر عالمی وباء COVID19 اور حالیہ تباہ کن سیلاب سے یہاں کی معیشت تباہی وبربادی سے دوچارہوئی ہےاور اب ایک بارپھر یہاں پربدامنی کی ایک نئی لہرنے جنم لیا ہےجس کی وجہ سے کاروباری طبقہ علاقہ چھوڑنے پرمجبور ہے لوگوں کو بھتہ کی کالیں موصول ہورہی ہیں جن سے عام لوگوں کے علاوہ منتحب عوامی نمائندے اورصوبائی وزراءبھی  غیر محفوظ ہوگئےہیں۔ ان حالات میں ملاکنڈڈوژن  کے عوام اس قابل نہیں ہیں کہ وہ حکومتی  فیصلے کے مطابق سال 2023ء سے ٹیکس  دینے کی پوزیشن میں ہو۔

لہٰذا میں معزز ایوان میں قرارداد پیش کرتاہوں کہ یہ ایوان صوبائی حکومت سے سفارش کریں کہ وہ وفاقی حکومت سے اس امر کی سفارش کریں کہ 25 ویں آئینی ترمیم کے نتیجے میں سابقہ  قبائلی اضلاع اورملاکنڈ ڈوژن کی قبائلی حیثیت کو ختم کرکے اسے بندوبستی اضلاع میں شامل کرنے کے فیصلہ کے نتیجے میں 2023ء تک ٹیکس کی چھوٹ میں2033 ء تک توسیع دی جائے تاکہ یہاں کے کارباری طبقے اور عوام میں اس حوالے سے پائی جانی والی تشویش اور اضطراب کا ازالہ ہوسکے

ہرگاہ 1985 کے جنرل الیکشن میں اقلیتی براردری کے لیے قومی اسمبلی میں 10، پنجاب اسمبلی میں 8، سندھ اسمبلی میں 9،خیبرپختو نخوا اسمبلی میں3نشتیں مختص کی گئی ۔2002میں جنرل پرویزمشرف نے لیگل فریم ورک آرڈر کے تحت نشتوں کی تعداد میں اضافہ کرکے قومی اسمبلی میں 207 سے 272 ،پنجاب اسمبلی میں 240 سے 297 ،سند ھ اسمبلی میں 100سے 130خیبرپختونخو ا اسمبلی میں 80سے 99 اور بلوچستان اسمبلی میں 40سے 51کردی گئی ۔اس کے علاوہ خواتین کےلیے بھی قومی اسمبلی اورچاروں صوبائی اسمبلیوں میں 17فیصد نشتیں مختص کی گئی ۔ تاہم اقلیتوں کےلیے مختص نشتوں میں کسی قسم کا اضافہ نہیں کیا گیا۔

لہذا خیبرپختونخوا اسمبلی کا یہ ایوان وفاقی حکومت سے مطالبہ کرتاہے کہ ترجیحی بنیا د پرآئین پاکستان میں ترمیم کرتے ہوئے قومی اور چاروں صوبائی اسمبلیوں میں اقلیتوں کےلیے مختص نشتوں کی تعداد میں اسی تناسب سے اضافہ کیا جائےجس تناسب سے  جنرل نشتوں کی تعداد میں اضافہ کیا گیا ہے۔

ہر گاہ کہ قرآن مجید فرقان حمید ایک مکمل ضابطہ حیات ہے جو کہ قیامت تک انسانیت کی مکمل رہنمائی اور ہدایت کا سرچشمہ ہے ۔ یہ ایک اٹل حقیقت ہے کہ قرآن مجید اپنی تعلیمات کےلحاظ سے ایک انتہائی جامع کتا ب ہے جس میں عبادات وریاضت ،اخلاقیات ومعاملات غرض کہ بنی نو ع انسا ن کی اصلاح کے لئے عبرت وسبق آموزتاریخی واقعات کا بیا ن بھی ہے ۔قرآن کریم دنیا کی واحد کتاب ہے جس کی تعلیمات پرعمل کرنے کی صورت میں دنیا اور آخرت میں کامیابی کی ضمانت ہے ۔لہٰذاضرورت اس امر کی ہے کہ قرآن مجید کی تعلیمات کی آسان درس وتدریس کی جائے۔

چونکہ قرآن مجید حکمت وتد بر کی اعلٰی کتاب ہے جس کی تعلیمات کی درس وتدریس میں مساجد کے علماء کرام وآئمہ کرام کی خد مات قابل تحسین  ہے لہذا یہ صوبائی اسمبلی صوبائی حکومت سے اس امرکی سفارش کرتی ہےکہ صوبے کےتمام مساجد میں قرآن کریم کا ترجمہ وتفسیرآسان فہم قومی وعلاقائی زبانوں میٕں لازمی قراردے تاکہ اس صوبے کا ہرایک باسی اس قابل ہوسکے کہ قرآن مجید کو بہتر طور پرسمجھ سکے اور اپنی زندگی  گزارنے کےلیے قرآن مجید کو مشعل راہ بنائے۔

یہ صوبائی اسمبلی صوبائی حکومت سے اس امرکی سفارش کرے کہ وہ مرکزی حکومت سے اس امر کی سفارش کرے کہ حالیہ روس اور یو کرائن کی جنگ سے وہاں پر جو طلباء خصوصاً میڈیکل کے طالب علم متاثر ہوئے ہیں۔مرکزی حکومت اُن طلباء کو پاکستان کے میڈیکل کالجوں میں عارضی /مستقل طور پر ایڈجسٹ کریں تاکہ ان طلباء کی قیمتی وقت ضائع نہ ہو۔

This assembly request the federal government to consider maintaining the 12 national assembly seats of merged areas as was promised that in transitional period of 10-years of the merger process, the merged areas rights will be safeguards.

چونکہ ضلع بنوں کی کل آبادی 1210163 ہے  جوکہ خیبر پختونخوا کے حلقوں میں تقسیم کرکے تو 1.53 فیصد بنتا ہے ۔الیکشن کمیشن آف پاکستان کی جانب سے حالیہ شائع شدہ ڈرافٹ لسٹ میں ضلع بنوں کےعوام اور خاص کر صوبے کے دیگر اضلاع میں حلقہ بندیوں میں زیادتی کی گئی ہے۔جوکہ آبادی کےلحاظ سے حق تلفی ہوئی ہے۔

    لہذا یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ الیکشن کمیشن آف پاکستان سے مطالبہ کرے ہماری آبادی اور صوبے کے دیگر اضلاع حلقہ بندیوں میں آبادی کے تناسب کو دیکھ کر حلقہ  بندیوں کی تعداد بڑھائی جائےاور ساتھ ہی قومی اسمبلی  آرٹیکل 51 میں ترمیم کرکے خیبر پختونخوا کی قومی ممبران کی تعداد 45 سے بڑھایا جائے۔تاکہ آبادی کے تناسب اور حالیہ ضم شدہ اضلاع کی آبادی کو ملاکر ان سیٹوں کی تعدادبہت  کم ہے۔

ہم  صوبائی اسمبلی خیبر پختونخوا کے قواعد انضباط طریقہ کار 1988ء کے قاعدہ 123تحت آپ کی وساطت سے اس معزز ایوان میں ایک انتہائی اہم قرارداد پیش کرتے ہیں کہ یہ ایوان حکومت سے اس امر کی سفارش کرتی کہ آئین پاکستان کی رو غیر مسلم قراردئیے گئے قادیانیوں کی پشاو کے پوش علاقوں یونیورسٹی تاؤن ،حیات آباد اور صوبہ کے دیگر علاقوں میں دعوتی سرگرمیوں کا فوری نوٹس لیا جائے کیونکہ نبی  کریم ﷺکی ناموس اور عقید ہ ختم نبوت مسلمانوں کی ایمان کا حصہ ہے اور اس حوالے سے کسی بھی قسم کے نا خوشگوار واقعہ کا انتظار کئے بغیر صوبائی حکومت اور پشاور کی ضلعی انتظا میہ قادیانیوں کو لگام دے اور انہیں آئیں پاکستان کی رو سے دیگر اقلیتوں کی طرح زندگی گزارنے کا پابند بنایا جائے ۔

جناب سپیکر صاحب ! دستور پاکستان میں قادیانیوں کو غیر مسلم قرار دیا گیا ہے اور ان کی پاکستان میں مسلمان کی حیثیت سے دعوت و تبلیغ او راس مقصد کے لئے مسلمانوں کی مساجد کی طرز پر مسجد بنانے سمیت خود کو مسلمان کہلانے پر پابند ی عائد ہے البتہ قادیانیوں فرقہ سے تعلق رکھنے والے لوگ پاکستان میں دیگر مذاہب سے تعلق رکھنے والے اقلیتوں کی طرح  زندگی گزار  سکتے ہیں لیکن گزشتہ کئی مہینوں سے تسلسل کے ساتھ سوشل میڈیا پر پیغامات وائرل ہو رہے ہیں کہ پشاور کے پوش علاقو ں یونیورسٹی تاؤن اور حیات آباد میں قادیانی اپنی  دعوتی سر گرمیاں کھلے عام کر رہے ہیں اس سلسلے میں مرکزی ختم نبوت ﷺکے ذمہ داران اور پشاور کی جید علما ئے کرام نے تحقیقات کئے ہیں اور انہوں نے بھی خبر دار کیا ہے کہ یونیورسٹی ٹاؤن اور حیات آباد پشاور میں مقیم قادیانی فرقے سے تعلق رکھنے والے لوگ اپنے گھروں اوربعض پارکوں میں قادیانیت کی پر چار کر رہے ہیں چونکہ یہ ایک انتہائی سنجیدہ دینی اور حرمت رسول ﷺپر مبنی ایسا معاملہ ہے جو ہر مسلمان کے لئےزندگی اور موت کا مسئلہ ہے کیو نکہ نبی کریم ﷺکی ناموس اور عقیدہ نبوت مسلمانوں کی ایمان کا حصہ ہے  اور اس حوالےسے  حکومت کسی بھی قسم کے نا خوشگوار واقعہ رونما ہونے  کا انتظار کئے بغیر صوبائی حکومت اور پشاور کی ضلعی انتظامیہ قادیانیوں کو لگام دے اور انہیں آئین پاکستان میں دئیے گئے حق کے مطابق اقلیتی برادری کی طرح زندگی گزارنے کا پابند بنایا جائے کیونکہ یہ آئین پاکستان کے علاوہ ہر مسلما ن کی ایمانی غیرت کا بھی تقاضا ہے کہ وہ حرمت رسول ﷺکو اپنی زندگی سے بھی زیادہ مقدم سمجھتا ہے ۔

لہذا یہ معزز ایوان صوبائی حکومت سے اس قرارداد کے ذریعے مطالبہ کرتا ہے کہ پشاور سمیت صوبہ بھر میں قادیانیت کی تبلیغ کرنے والے قادیا نیوں کو لگام لگانے او ر ان کی ماورائے آئین سرگرمیوں کا فوری نوٹس لیکر ان کے خلاف قانونی کاروائی عمل میں لائی جائے تاکہ اہلیان پشاور سمیت صوبہ بھر کے غیور مسلما نوں میں پائی جانی والی تشویش اور اضطراب کا سد باب ہو سکے۔

پاکستان ایک جمہوری ملک ہے اور جمہوری نظام پر یقین رکھا جاتا ہے کسی بھی ملک میں جمہوری نظام مضبوط کرنے کے لئے تعلیم یا فتہ طبقے کو سیاسی شعور دینا بنیادی ضرورت ہے ملک کے موجودہ حالات کےمطابق غیر جمہوری قوتیں جمہوری قوتوں پرحاوی  ہیں۔ اس کی سب سے بڑی وجہ نوجوان طبقے کی سیاست سے دوری ،سیاست سے ناخبر اور عدم دلچسپی ہے ۔تعلیمی اداروں میں طلبا ء کو طرح طرح کے مشکلات کا سامنا کرنا پڑتا ہے ۔جنرل ضیا ءالحق کے مارشل لاءمیں طلباء یونین پر پابندی لگائی گئی تھی ۔اور آج کے دن تک طلبا ء یونین پر پابندی ہے ۔ ایک جمہوری ملک کے جمہوری نظام کو مضبوط بنانے کے لئے طلباء یونین کی بحالی وقت کی اشد ضرورت ہے۔

    لہذا یہ معزز ایوان صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ طلباء یو نین کو جلد ازجلد بحال کرے تا کہ ملک میں جمہوری نظام مضبوط کرنے کے لئے حقیقی لیڈر شپ سامنے آکر کردار ادا کرے۔

ہم جملہ ممبران صوبائی اسمبلی خیبر پختون نخوا جنا ب مخمود خان ،وزیر اعلیٰ خیبر پختونخوا پر مکمل اعتماد کا اظہار کرتے ہیں اور اس صوبہ کے لئے شبانہ روز انتک محنت سے کام کرنے پر خراج تحسین پیش کرتے ہیں ۔جناب محمود خان صاحب نے عمران خان صاحب کی قیادت میں اس صوبہ کی جو خدمت کی ہے اس کو برسوں یاد رکھا جائے گا  ۔ جناب محمود خان صاحب کے اس تین سال عرصہ مین صوبہ نے قابل ذکر ترقی کی ۔ ضم قبائلی اضلاع میں انفراسٹرکچر کی تعمیر اور انتظامی امور کو محمود خان صاحب نے بے مثال ترقی دی ۔ہم سب ان کی قائدانہ صلاحیتوں کو قدر کی نگاہ سے دیکھتے ہیں اور بحیثیت وزیر اعلیٰ خیبر پختونخو ان پر مصمم و غیر متزلزل اعتماد ہے ۔

بلدیاتی نظام کے بغیر جمہوریت مضبوط بنیادوں پر استوار نہیں ہو سکتی  اس لئے اسے جمہوریت کی بنیادی اکائی مانا جاتا ہے ۔کسی بھی جمہوریت ملک میں بلدیاتی اداروںکی اہمیت سے انکار نہیں کیا جاسکتا کیونکہ اختیار ات کی نچلی سطح پر منتقلی اور عوام کو بنیادی سہولیا ت کی فراہمی میں لوکل گورنمنٹ سسٹم کلیدی کردار ادا کرتا ہے ۔اب چونکہ صوبہ خیبر پختونخوا میں بلدیاتی انتخابات آخری مراحل میں داخل ہو چکے ہیں ۔لہذا بلدیاتی اداروں کے اس نئے ڈھانچے کی کامیابی کے لئے معاشرے کے تمام طبقات کی مناسب نمائندگی ناگزیر ہے ۔

لہذا صوبائی اسمبلی کا یہ ایوان مطالبہ کرتا ہے کہ بلدیاتی نظام کے تحت بننے والے ولیج ،نیبر ہڈ اور تحصیل کو نسلز کے اجلاسوں میں خواتین ممبران کی موجودگی کو لازمی قراردیا جائے اور خاتون ممبر کی حاضری کے بغیر کسی بھی کونسل کا اجلاس منعقد نہ کیا جائے۔

      چونکہ اورسیز پاکستانی اس ملک و قوم کا ایک قیمتی سرمایہ ہیں اور زندگی کے قیمتی لمحات وہ اس ملک کے معاشی استحکام کے لئے بیرون ملک گزارتے ہیں ۔

    لہٰذ یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ اورسیز پاکستانیوں کے ذاتی موبائیل پر عائد ڈیوٹی ٹیکس فوری طور پر ختم کرےاور اورسیز  جوکہ دس سال یا اس  سےزائد عرصہ بیرونی ملک گزار چکے ہو ان کو اپنی ساتھ ذاتی استعمال کے لئے ایک عدد ڈیوٹی فری (ٹیکس فری)گاڑی کو اپنے ساتھ لانے کی اجازت دی جائے۔

ضم شدہ اضلاع کے ساتھ جو سالانہ این ایف سی ایوارڈ دینے کا جو تین فیصد وعد ہ کیا گیا تھا ۔وہ وعدہ آج تک پورہ نہیں کیا گیا اور وجہ یہ بتائی جارہی ہے کہ سندھ حکومت اور بلوچستان حکومت ضم شدہ اضلاع کے تین فیصد این ایف سی ایوارڈ میں روکاوٹ بن رہی ہے ۔خیبر پختونخوا اور وفاق ضم شدہ اضلاع کو تین این ایف سی ایوارڈ دینے کے لئے تیار ہے۔

لہذا یہ معزز ایوان صوبائی اسمبلی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ وہ سندھ حکومت اور بلوچستان حکومت کو ضم شدہ اضلاع کے سالانہ تین فیصد این ایف سی ایوارڈ دینے کے لئے راضی کرے۔

ہر گاہ کہ پشاور ،اسلام آباد موٹروے پر صوابی انٹر چینج کے ساتھ قائم قیام و طعام کی جگہ کو بند کیا گیا ہے اور برہان انٹر چینج سے ایبٹ آبادتک کوئی قیام و طعام کی جگہ نہیں ہے۔جس کی وجہ سے موٹر وے پر سفر کرنے الے مسافروں کو مذکورہ جگہوں میں سہولت نہ ہونے کی وجہ سے خاص کر نماز رہ جاتی ہے ۔

          لہذا یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ صوابی انٹر چینج کے ساتھ بند قیام و طعام کی جگہ کو بحال کرے اور برہان انٹر چینج سے ایبٹ آباد کے درمیان مزیدقیام و طعام کا بندوبست کیا جائے تاکہ مسافروں کو قیام و طعام کے ساتھ ساتھ خصوصی طور پر نماز اداکرنے کی سہولت بھی میسر ہو سکے.

میں اس معززایوان کی وساطت سے صوبائی حکومت سے مطالبہ کرتا ہوں کہ وفاقی حکومت سے اس امر کی سفارش کرے کہ ہمارے صوبے میں واپڈا ملازمین کی تعداد جوکہ ضرورت سے نہایت کم ہے بلحصوص ٹیکنیکل سٹاف جو ضرورت کی تناسب سے صرف 28تا 32فیصد ہیں۔ جس کی وجہ سے بجلی کی ترسیل میں کافی مشکلات کا سامنا ہے اور معمولی نو عیت کی خرابی کی صورت میں بجلی کی بحالی پر ہفتے لگ جاتے ہیں ۔کہ وہ اس کمی کو پورا کرنے کے لئے فوری اقدامات کرے تاکہ صوبے کے عوام کے اس مشکل کا ازالہ ہو سکے ۔ مزید براں اس سلسلے میں ایس ڈی او ز اور ریونیوآفیسر ز اور لا ئن سپر نٹنڈنٹس کی ٹیسٹ اور انٹرویوں کے ذریعے سلیکشن ہو چکی ہے۔ جن میں سے ایس ڈی اوز اور ریونیو آفیسر ز کو چارج دیا گیا ہے۔ جبکہ ساتھ میں بھرتی ہونے والے لائن سپرنٹنڈنٹس کو ابھی تک چارج نہیں دیا گیا ہے۔

    لہذا اس معزز ایوان کی وساطت سے صوبائی حکومت سے مطالبہ کرتاہوں کہ وہ وفاقی حکومت سے اس امر کی سفارش کرے کہ بھرتی ہونےوالے لائن سپرنٹنڈنٹس کو چارج دیا جائے تاکہ ان کےساتھ ہونے والی زیادتی کا ازالہ ہوسکے۔

WHEREAS: – Article 161, clause (1), paragraph (b) of the Constitution of the Islamic Republic of Pakistan, provide that the net proceeds of the Federal duty of excise on oil levied at well-head and collected by the Federal Government, shall not from part of the Federal Consolidated Fund and shall be paid to the provinces in which the well-head of oil is situated;

AND WHEREAS: – The Federal Excise duty has not been paid by the Federal Government after the 18th Constitutional Amendment;

THEREFORE, This Assembly resolves that the Federal Excise duty on oil shall be paid to the provinces for their smooth running and development. This Assembly also resolves that the Federal Government shall constitute a Committee comprising of membership of concerned provinces to calculate arrears of the excise duty on oil which were not paid by the Federal Government.

ہر گاہ کہ وفاقی حکومت نے ممبران قومی اسمبلی و سینٹ اور سابقہ ممبران قومی اسمبلی و سینٹ اور ان کے اہل خانہ کو تا حیات Blueپاسپورٹ و دیگر  سہولیات و مراعات ممبران قومی اسمبلی کو میسر کئے گئے ہیں جبکہ تمام صوبائی اسمبلیوں کے ممبران کو یہ سہولیات اس وقت تک میسر ہیں۔ جب تک وہ ممبران صوبائی اسمبلی ہوں اور بعد ازمعیا د کو کسی قسم کی سہولت نہیں دی جاتی ۔

          لہذا یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ ممبران قومی اسمبلی و سینٹ ان کے اہلخانہ کو  جو مراعات وPerks & privileges ریٹائرمنٹ پر دی جاتی ہیں۔ ان کا دائرہ کار خیبر پختونخوااسمبلی و دیگر صوبائی اسمبلیوں کے ممبران وممبران فیملی اور Spouse تک بڑھایا  جائے  تا کہ ممبران صوبائی اسمبلی بھی بعدازمعیاد ان مراعات (سہولیات)سے استفادہ کر سکیں۔

میں صوبائی اسمبلی خیبر پختونخوا کےقواعد  انضباط و طریقہ کار 1988ء کےقاعدہ 123 کے تحت آپ کی وساطت سے اس معزز ایوان میں قرارداد پیش کرتاہوں کہ یہ ایوان وفاقی حکومت سے اس امرکی سفارش کریں  کہ ملک بھر میں بجلی صارفین سے بجلی بلوں میں نیلم  جہلم سرچارج کی وصولی فی الفور ختم کی جائے۔

اس وقت ملک میں مہنگائی ،بے روزگاری کےساتھ ساتھ بجلی کی ناروالوڈشیڈنگ کےہاتھوں عوا م شدید مشکلات سے دوچار ہیں۔ ملک میں خط غربت سے نیچے انتہائی کسمپرسی کی زندگی گزارنے والے 44 فیصد سے زائد غریب دو وقت کی روٹی کے لئے پریشان ہیں ۔ایسے میں عوام سے نیلم جہلم کے مکمل شدہ منصوبے کےنام پر بجلی بلز میں نیلم جہلم سرچارج کےنام سے ٹیکس وصول کیا جاتا ہے جو کہ سراسر ناانصافی ہے اس لئے کہ مذکورہ مصوبہ مکمل ہو چکا ہے۔اور اس وقت حکومتی اعدادوشمار کے مطابق مذکورہ نیلم جہلم  سرچارج میں حکومت نے 5 ارب روپے اضافی جمع کئے ہیں۔

موجودہ وفاقی حکومت عوام کی ریلیف کی فراہمی اور ریاست مدینہ کی طرز پر انصا ف فراہم کرنے کےدعوؤں اور وعدوں کےساتھ برسر اقتدار آئی ہے۔ اس لئے ایک مکمل شدہ منصوبہ کے نام پر عوام سے ٹیکس کی وصولی قرین انصاف ہر گز نہیں ہے۔

لہذا یہ معزز ایوان وفاقی حکومت سے اس امر کی سفارش کرتا ہے کہ چونکہ بجلی  کا محکمہ وفاق کے زیر انتظام ہے اس لئے حکومت ملک بھر میں صارفین سے بجلی بلز میں نیلم جہلم سرچارج کی وصولی کا سلسلہ فای الفور بند کردے تاکہ عوام کو ریلیف مل سکے۔

یہ اسمبلی صوبائی حکومت سے سفارش کرتی ہے کہ محکمہ ایلمنٹری اینڈ سیکنڈری ایجوکیشن خیبر پختونخوا نے (E-Transfer & Posting Policy 2019) ہارڈایریازکے اساتذہ کرام کے لئے جو امتیازی مراعات رکھے ہیں ان علاقوں میں سوات کے پہاڑی علاقوں کو بھی شامل کیا جائے اور وہاں پر کام کرنے والے اساتذہ کو بھی ہارڈ ایریاز کے مراعات دیئے جائیں۔

یہ صوبائی اسمبلی صوبائی حکومت سے اس امر کی سفارش کرتی ہےکہ ڈی پی ٹی کےایک سو فارغ التحصیل طلباء کےلئے آنے والے بجٹ 22-2021 میں سرکاری ہسپتالوں میں Paid House Job کے لئے آٹھ کروڑ کی رقم مختص کی جائے۔ اور ان Paid House Job کی اسی طرح ہر سال پرمننٹ کیا جائے اور ہم اسمبلی ممبران ان کے لئےکوشش کریں گے۔

چونکہ سوات کے علاقوں میں ملم جبہ ،میادم اور کشورہ کوموسم گرما میں بہت بڑی تعداد میں سیاح ان علاقوں کا رُخ کرتے ہیں ۔  یہاں کی مقامی آبادی بھی روز بروز بڑھتی جا رہی ہے ۔ اکثر یہاں واقعات ہوتے رہتے ہیں ۔ سیدو ہسپتال  مینگورہ  یہاں سے کافی دور ہیں۔ لوگوں کو کافی مسائل کا سامنا کرنا پڑتا ہے۔

    لہٰذا یہ اسمبلی صوبائی حکومت سے سفارش کرتی ہے کہ آئندہ بجٹ مالی سال 22۔2021 میں حلقہ PK-3 ملم جبہ کشورہ BHU اور میاندم BHU کو RHC کا درجہ دیا جائے ۔ یا RHC کو مناسب ڈاکٹرزبمعہ سٹاف فراہم کیا جائے۔

اس وقت پاکستان کے اندر ہزاروں کی تعداد میں جی سی سی ممالک کے اندر کام کرنے والے مزدور،طالب اعلم اور حج کے   زا ئرین ویکسین کے حوالے سے مشکلات کا سامنا کر رہے ہیں  ۔ لوگ افغانستان کے راستے وزٹ ویزے لگوا کر جارہے ہیں  ۔ سعودی عرب اور UAEچائنیزاور رشین ویکسین قبول نہیں کر رہے ہیں  ۔جبکہ پاکستان میں سرکاری ہسپتالوں میں چائنیزاور رشین ویکسین ہی لگائے جا رہے ہیں۔ جبکہ WHOکے SOPsکے مطابق ایک قسم کا ویکسین لگنے کے بعد دوسرے قسم کا ویکسین نہیں لگا یا جا سکتا ۔پا کستان میں اسٹر ا زنیکا اور دیگر مغربی کمپنیوں کے ویکسین موجود بھی نہیں ہے ۔

    لہٰذا یہ اسمبلی مرکزی حکومت سے سفارش کرتی ہے کہ MOR وزارت خارجہ کے  ذریعےسے GCCممالک او ر دیگر ممالک کےساتھ رابطہ کرے تا کہ اس مسئلے کا حل نکا لا جائے اور ہمارے لئے زرمبادلہ کمانے والے کارکنوں کو باعزت اپنے روزگار دوبارہ شروع کرنے کے لئے راستہ ہموار کیا جائے

یہ ملک پانچ قوموں کا فیڈریشن ہے ۔جتنا حق اس ملک میں باقی انسانوں کا ہے ۔ اسی طرح پشتونوں کو بھی حاصل ہونا چاہئے ۔لیکن بدقسمتی سے اس ملک میں پشتونوں کو ہمیشہ دوسرے درجے کے شہری کی نظر سے دیکھا جاتا آرہا ہے ۔ سندھ میں پشتون کا روباری حضرات اور ٹرانسپورٹرز  کو بے جا تنگ کیا جاتا ہے اور انہیں حقارت کی نظر سے دیکھا جاتا ہے اس کے علاوہ سندھ میں روزانہ کی بنیاد پر ڈرائیوروں کو چور،ڈاکو یا تو گولیوں سے بھون ڈالتے ہیں یا انہیں اغواء کر کے بتہ وصول کرتے ہیں کچھ دن پہلے بھی شمالی وزیرستان  ما میت خیل قوم سے تعلق رکھنے والے دو نو جوان نقیب الله اور عنایت الله نامی ڈرائیور انہیں ڈاکوؤں کے ہاتھوں اغواء ہوئے ہیں ۔

    لہٰذا یہ معزز ایوان صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ سندھ حکومت ان واقعات کو روکنے کے لئے اقدامات اُٹھائے۔

چونکہ صوبائی حکومت نے لیویز اہلکاروں کے 2015ءکے رولز میں تبدیلی کی گئی ہے ۔جس کی وجہ سے ہزاروں لیویز اہلکار وں کو وقت سے پہلے ریٹائرڈ کیے گئے ہیں۔یہ انسانی حقوق کی خلاف ورزی کے ساتھ  قانون کی بھی خلاف ورزی ہے ۔

    لہذا یہ اسمبلی صوبائی حکومت سے سفارش کرتی ہے کہ 2015ءکے رولز کو  بحال کرے اور ریٹائرڈ شدہ ملازمین کو  Reinstate کرے۔

چونکہ پاکستان نیشنل شپنگ کارپوریشن(PNCP)نے پچھلے دو سالوں سے سوات سے تعلق رکھنے والے  سی مینوں کے ساتھ امتیازی سلوک  شروع کیا ہوا ہےاور انہیں جہازوں پر جانے کی اجازت نہیں دیتی  اور ان سے حلال روزی کمانے کا ذریعہ چھین رہی ہے۔

    لہٰذا یہ اسمبلی صوبائی حکومت سے سفارش کرتی ہےکہ وفاقی حکومت سے اس امر کی سفارش کرے کہ ان لوگوں کو اپنے نمبر پر جہازوں میں جانے کی اجازت دیا کریں تاکہ وہ محنت مزدوری  کر کے اپنے بچوں کی کفالت کر سکیں

يہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ چونکہ پشاور سے کرنل شیرصوابی تک تین رویہ موٹروے 76کلومیٹر فاصلے کی ٹال ٹیکس100 روپے ہیں جبکہ کرنل شیر صوابی سے چکدرہ تک دو رویہ ایکسپرس وے74 کلومیٹر کی ٹال ٹیکس 160 روپے ہیں جو کہ ایک طرف ہمارے عوام کے ساتھ نا انصافی ہے تو دوسری طرف حکومتی پا لیسی میں ایک کھلا تضاد ہے،

    لہٰذا صوبائی حکومت وفاقی حکومت سے اس ظالمانہ تضاد پر بات کریں اور فی ا لفور ٹال ٹیکس کے ریٹ میں مزید کمی لانے کے لیے مناسب اقدامات کریں

ہر گا ہ کہ صوبہ بھر میں تقریباً 700ایڈہاک ڈاکٹر ز گزشتہ ایک سال سے  COVID-19Pandemic کے دوران بڑی دلیری اور جانفشانی سے مریضوں کی تیمارداری کر رہے ہیں ۔اس دوران ایک ڈاکٹر شہید بھی ہوا لیکن ان ڈاکٹرز نے اپنی گراں قدر خدمات جاری رکھی ہوئی ہیں ۔

    لہٰذا یہ  اسمبلی صوبائی حکومت سے پر زور سفارش کرتی ہے کہ ان ایڈہاک ڈاکٹرز کو ریگولر ائز کیا جائے ۔

اس وقت ملک بھر میں تھیلسیمیاءکے موذی مرض میں مبتلا بچوں کی تعداد میں تیزی سے اضافہ  ہو رہا ہے اس مرض میں مبتلا بچوں کی جسم میں خون پیدا کرنے کی صلاحیت کمزور یا شدید متاثر ہوتی ہے جس کی وجہ سے ہر مریض کو اس کی ضرورت کے مطابق ہفتہ دو ہفتے یا مہینہ بعد بلڈٹرانفیوژن سمیت دیگر علاج کی اشد ضرورت ہوتی ہے یہ ایک مہنگا اورتکلیف دہ علاج ہے  جبکہ اس موذی مرض میں مبتلا مریضوں کی بڑی تعداد انتہائی غریب گھرانوں سے تعلق رکھتے ہیں ۔ حال ہی میں صوبائی حکومت صوبے کے ہر فرد مفت علاج  معالجہ کی سہولت فراہم کرنے کے لئے صحت انصاف کا رڈ کا اجراء کیا ہے جس کے تحت مریضوں کو علاج معالجہ کے مد میں دس لاکھ روپے تک کی سہولت حاصل ہوتی ہے لیکن بدقسمتی سے صحت انصاف کارڈ میں تھیلسیمیاء کا علاج شامل نہیں  ہے ۔

        لہٰذا یہ ایوان قرارداد کے ذریعے صوبائی حکومت سے مطالبہ کرتا ہے کہ تھیلسیمیاء کے موذی مرض میں مبتلا بچوں کا مکمل علاج بھی صحت انصاف کارڈ  شامل کیا جائے تا کہ صوبے  بھر میں تھیلسیمیا ء کے مرض میں مبتلا ہزاروں بچوں اور ان کے والدین کو علاج معالجہ کے سلسلے میں ریلیف فراہم کیا جاسکے ۔

ہر گاہ کہ Covid-19 ایک عالمگیر وباء ہے اور دنیا کے تمام آزاد ممالک کی حکومتی کو یہ اختیار حاصل ہے کہ وہ اپنے علاقائی اور اندرونی حالات کے پیش نظر اس وباء سے اپنے شہریوں کو محفوظ بنانے کے لئے مناسب حکمت عملی بنائیں۔

     مملکت سعودی عرب ایک عام برادر انہ اسلامی ملک کے علاوہ ان کے ساتھ ہمارا ایک بنیادی دینی تعلق ہے جو کہ حرمین شریفین کی وجہ سے سعودی عرب کا احترام ہمارے ایمان کا حصہ ہے دوسری طرف ہمارے زیادہ تر پاکستانی بالخصوص ملاکنڈ ڈ ویژن کےلوگوں کا مملکت سعودی عرب کے معیشت پر بہت بڑا انحصار بھی ہے ہمارے لاکھوں پاکستانی بھائی وہاں پر روزگار کرکے اپنے بچوں اور اہل و  عیال کے لئے روزی کماتے ہیں۔

     وبائی مرض  کی وجہ سے سعودی عرب جانےمیں ہمارے دوسرے پڑوسی ممالک کے مقابلے میں پاکستانیوں کو بہت زیادہ مشکلات ہیں۔اور وہاں نہیں جاسکتے جبکہ کسی کےویزے ختم ہورہےہیں۔تو کسی کےاقاموٕں کی معیاد ختم ہورہی ہے۔اور وہ تمام لوگ بہت پریشان ہیں۔

         لہذا یہ اسمبلی صوبائی حکومت سے سفارش کرتی ہےکہ وہ وفاقی حکومت سے اس امر کی سفارش کرے کہ وزات خارجہ کےتحت مملکت سعودی عرب کے مجاز حکام کے سامنے ہمارے اورسیز پاکستانیوں کے یہ بنیادی مسائل اُ ن کے سامنے رکھیں اور ان کو حل کرکے ان کی پریشانیوں کا ازالہ کیا جائے۔

اسمبلی اس امر کی پرزور مذمت کرتی ہے کہ مورخہ 25 اگست 2020ء کو اسمبلی اجلاس کے دوران ممبر اسمبلی جناب عصام الدین صاحب نے پوائنٹ ا ف آرڈر پر بحث کرتے ہوئے دھمکی دی کہ اپنے ساتھ بم کو لپیٹ کر اور اپنا واسکٹ بموں سے بھرکر اس ایوان پر حملہ کرینگے اور سب کچھ تہس نہس کر دیں گے۔جو کہ انتہائی قابل افسوس اور مذمت ہے۔اور مزید یہ کہ جمعیت علماء اسلام سے بھی پرزور مطالبہ کیاجاتا ہے ۔کہ ایسے لوگوں کےخلاف سخت کارروائی کی جائے اور اپنی صفوں میں سے ان جیسے لوگوں کی نشاندہی کریں جو اس معزز ایوان پر حملہ کرنے کی بات کرتےہیں ۔اور تشدد کو بڑ ھاوا دیتے ہیں۔

جناب سپیکر صاحب اس کے ساتھ ساتھ آپ سے بھی مطالبہ کیا جاتا ہے کہ کم از کم ان کو صرف آج کی کارروائی کے لئے اس معزز ایوان سےنکالا جائے تاکہ اس ایوان کے تقدس کو بحال کیا جائے۔

چونکہ پاکستان اسلام کے نام پر معرض وجود میں آیا ہے اور دستور پاکستان کے ابتداء میں ہی درج ہے کہ قرآن و سنت ملک کا سپریم لاء ہو گا اور ملک میں قرآن و سنت سے متصادم قانون سازی کی قطعاً اجازت نہیں ہو گی ۔آئین کی آرٹیکل 31میں اسلامی طریقہ زندگی کے متعلق درج ہے کہ مملکت خداداد پاکستان میں مسلمانوں کو انفرادی اور اجتماعی طور پر اپنی زندگی اسلام کے بنیادی اصولوں اور اساسی تصورات کے مطابق گزارنے کے لئے حکومت ایسا سازگار ماحول اور سہولیات فراہم کریں گی  جن کی مدد سے شہری اپنی روز مرہ زندگی قران و سنت کے مطابق بسر کر سکیں ۔

پردہ جہاں اسلامی روایات ،اقدار اور احکامات کا اہم جزہے وہاں یہ ہماری ثقافت اور پختون روایات کا بھی اہم ترین حصہ ہے اور دستور پاکستان کا بھی تقاضا ہے ملک بھر میں خواتین کی عزت ووقار کو قائم رکھا جائے ۔موجود ہ دورفتن میں خواتین کے لئے پردہ حجاب ایک بہترین تحفظ ہے ۔ ہر سال 4ستمبر کو دنیا بھر میں عالمی یوم حجاب کے طور پر منایا جاتا ہے۔

لہذا یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ ملک بھر میں اسلامی اقدار کو فروع دینے کے لئے عالمی یوم حجاب (4ستمبر )کو سرکاری طور پر منانے کےلئے فوری طور پر عملی اقدامات اُٹھائیں جائے۔

گاہ کہ پولیس اہلکار اور جیل خانہ جات کے وارڈرز عوام اور قیدیوں کی حفاظت کے لئے  بر سر پیکار ہوتے ہیں لیکن ان ملازمین کو چھٹیوں میں دشواری کا سامنا کرنا پڑتا ہے ۔اور ا س کی اصل وجہ ایک بٹہ تین گارت ہے  جس کی وجہ سے ان کو مشکلات کا سامنا کرنا پڑتاہے۔

لہٰذا یہ اسمبلی صوبائی اسمبلی سے سفارش کرتی ہے کہ پولیس اور جیل خانہ جات کے اہلکاروں کی گارت کی تعداد ایک بٹہ تین سے بڑھا کر ایک بٹہ چار گارت کیا جائے۔

                                                          یہ اسمبلی صوبائی حکومت سےاس امر کی سفارش کرتی ہے کہ گوجری زبان صوبہ خیبر پختو نخواہ کے کم وبیش تمام اضلاع میں بولی جاتی ہے اور خاص کر ہزارہ ڈویثرن میں اکثریت کی زبان گوجری ہے اس زبان میں قران پاک کا ترجمعہ، سیرت النبی، شاعری بلکہ متعدد کتابیں لکھی جا چکی ہیں حتٰی کہ ریڈیو پاکستان، پی ٹی وی اور آذاد کشمیر کے ٹی وی چینلزپر پروگرام اور خبریں نشر ہو رہی ہیں لیکن سکولوں اور کالجوں کے نصاب میں شامل نہیں ہے۔

                                                                                                                                                                                                                                                                                                                                                                                                                                                   جناب عالی جس طرح صوبے کے دیگر علاقوں میں بولی جانے والی زبانیں یعنی ہندکو اور پشتو نصاب میں شامل ہیں اسی طرح بچوں کی سہولت اور گوجری زبان اور شینا زبان بولنےوالے لوگوں میں احساس محرومی کو ختم کرنے کے لئےسکولوں اور کالجوں کے نصاب گوجری میں شائع کیا جائے۔

یہ اسمبلی متفقہ طور پر صوبائی حکومت خیبر پختونخواہ سے پر زور مطالبہ کرتی ہے کہ حالیہ طوفانی بارشوں اور ژالہ باری سے ضلع مانسہرہ کے بڑے حصے کو شدید نقصانات پہنچے ہیں ۔ طوفانی بارشوں اور ژالہ باری سے ضلع مانسہرہ میں تمام فصلوں کو ناقابل تلافی نقصان پہنچا۔ جس سے ضلع مانسہرہ کے عام عوام اور خاص کر زمیندار / کاشت کار طبقہ بری طرح متاثر ہوا ہے ۔ان طوفانی اور تباہ کن بارشوں سے کئی ایک مکانات دوکانات و دیگر عمارات اور املاک کو کھلی یا جزوی نقصان پہنچا ہے ۔ضلعی انتظامیہ ان نقصانات کی تخمینہ لگانے میں مصروف عمل ہے جس کی تکمیل کے لئے خاصا وقت درکار ہے یہی وجہ ہے کہ ایسے قدرتی آفات میں متاثر ہ علاقوں کو حکومتی امداد و تعاون نقصانات کے ازالے کے لئے بروقت فراہمی ایک بہت بڑا چیلنج ہوتا ہے ۔تاہم ماضی میں ایسے نقصانات کے ازالے کے لئے حکومتی امداد مہینوں اور بعض اوقات سالوں کی شدید اور طویل انتظار کے بعد کہی جا کر عام عوام تک رسائی پالیتی ہے ۔ ضرورت اس امر کی ہے کہ ان تباہ کن بارشوں اور ژالہ باری کی جملہ نقصانات کے ازالے کے لئے صوبائی حکومت فوری طور پر تمام متاثر ین کو فی الفور مناسب اور وافر نقصانات کے ازالے کے لئے حکومتی واجبات میں چھوٹ دینے کے ساتھ ساتھ مناسب مالی معاونت کی بروقت ادائیگی کو یقینی بنائیں۔

صوبائی اسمبلی خیبر پختونخوا ،مانسہرہ تا تھا کوٹ کلاس ٹو ہائی وے کے تعمیر میں نیشنل ہائی وے اتھارٹی /تعمیر کمپنی مقامی آبادیوں سے کئے گئے باہمی طے شدہ شرائط پر عمل درآمد نہ کرنے کی وجہ سے علاقے میں پائے جانے والے شدید ھیجاتی کیفیت اور عوامی ردعمل کےپیش نظر اس قرارداد کےذریعہ صوبائی حکومت سے پُر زور مطالبہ کرتی ہے کہ عوامی مفاد کےاس معاملہ پر وفاقی حکومت اور نیشنل ہائی وےاتھارٹی /تعمیر اتی کمپنی کو درجہ ذیل اقدامات اُٹھانے کی پوری ہدایت کریں۔

تعمیراتی کمپنی /نیشنل ہائی وے اتھارٹی شاہراہ کےدونوں اطراف پر بھاڑ لگوانے کا عمل شروع ہیں مگر علاقہ کےکسانوں کو زرعی زمینوں تک اور زرعی پیداوار کو مقامی منڈیوں تک پہنچانے کے لئے راہ داریاں فراہم نہیں کررہے ہیں ۔جس کی وجہ سے مقامی کسانوں کےمشکلات میں اضافہ ہو رہا ہے ۔حالانکہ نیشنل ہائی و ے اتھارٹی کےحکام ہر سطح پر راہ داریاں فراہم کرنے کی یقینی دہانیاں مختلف فورمز پر کر چکےہیں۔

ضلع مانسہرہ کے تین بڑے گنجان آباد گاؤں مونگی مچھی پول،کلگان اور بٹریڑھ کے علاقوں میں نیشنل ہائی وے /تعمیراتی کمپنی نے نہ تو بریج اور نہ ہی کنیکٹیو روڈز فراہم کی ہیں ۔جو نیشنل ہائی اتھارٹی کی باہمی طے شدہ شرائط کا حصہ ہے ۔لہذا مقامی آبادی میں اس سلسلہ میں شدید غم وغصہ سامنے آرہاہے ۔اگر چہ مانسہرہ کےضلعی انتظامیہ نےمتعلقہ حکام سے کئی بار اس ایشو پر باقاعدہ کرسپانڈنٹ کرواکر اس کی اہمیت کو اُجاگر کرنے کی کوششیں کی ہیں ۔ تاہم ایسی تمام کوششوں کا کوئی مثبت نتیجہ سامنےنہیں آیا۔

لہذا مندرجہ بالا دونوں ایشوز کو اُجاگر کرتے ہوئے نیشنل ہائی وے اتھارٹی ۔تعمیراتی کمپنی کو عوامی مفا د میں راہ داریوں کی فراہمی اور تینوں گاؤں میں بریج ۔کنیکٹیو روڈز کی فراہمی کا پابند بنائی

یہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ فرنٹئیر کانسٹیبلری میں قوم باڑوزئی او رکالاش کو شیخ کمیونٹی کی پلاٹون میں شامل کیا جائے۔ تاکہ ان اقوام کی محرومیوں کی ازالہ ہو سکے۔

The Bank of Khyber’s sub- branch in the Provincial Assembly of Khyber Pakhtunkhwa facilitates the members of Provincial Assembly and staff in accessing better banking facilities at their doorstep. But many obstructions have been observed in the bank’s operations, especially the IT system of the bank, which is not centralized and does not have an up to the mark software. This causes inconvenience for the customer of this Government owned bank.

This House demands the Provincial Government to take necessary measures to bring the stander of the bank up to the mark. Relevant authorities should be directed to equip the bank with centralized software and ATM swiping facility for the customers, and also enable the customers, especially the Members of the Assembly to access the banks facilities internationally during their visits to other countries.

   ہر گاہ کہ پاکستان میں خودکشی کی شرخ میں مسلسل اضافہ ہو رہاہے اور لوگ مختلف طریقوں سے اپنی جانوں کا خاتمہ کررہےہیں لیکن جس طریقہ کار سے خود کشی کا رحجا ن بڑھ رہا ہے وہ ہے گندم کو محفوظ رکھنےکے لئے استعما ل ہونے والی زہریلی گولیاں پچھلے چند دنوں میں بھی ان گولیوں کے کھانے سے خودکشی کےتین واقعات میرے سامنے آئے ہیں جس میں سے ایک کی خبراخبار میں شائع ہوئی ہے اور دو کی نہیں

      لہذا میری اس ایوان کی وساطت سے صوبائی حکومت سے گزارش ہے کہ ان واقعات کا سدباب کیا جائےاور ان گولیوں کی خریدوفروخت کو منظم کیا جائے۔

It is observed with concern that prisons do not fulfill the cause of their creation that is reformation of criminals. In Jails, the emphasis is on punishment of criminal offenses, rather than rehabilitation of offenders.

The relevant departments should carry out their actual purpose of ultimately rehabilitating convicts to eventually become law abiding citizens and productive members of Pakistani society.

This House demands that:

1.     Concrete efforts should be made to change the concept of prisons as Crime Nursery.

2.     Prisons should be restructured as rehabilitation centers and corrective institutions.

3.     Such facilities should be provided in the prisons that after completion of sentence, the criminals could easily be mainstreamed in the society. For that vocational training programs should be implemented within the prison structures.

4.     To enhance prison’s capacity, existing prisons should be extended and new prisons should be constructed.

5.     Number of juvenile prisons should also be increased so to properly rehabilitate young offenders to make them law abiding citizens.

6.     Provision of basic necessities including clean potable water, hygienic food and clean toilets should be ensured.

7.     Moreover, this House demands that Pakistan Prison Act, 1894 and Prisoners Act of 1900 should be updated according to the need of time, so that concept of prisons as crime nurseries may be changed into correctional facilities.

                                                                                                      یہ ایوان حکومت خیبر پختونخوا ہ سے مطالبہ کرتی ہے کہ ایم  پی اے ہاسٹل پشاور کے ملازمین کو صوبائی اسمبلی سیکرٹریٹ میں ضم کیئے جائیں ۔ جیسا کہ بقیہ صوبوں میں ایم پی اے ہاسٹلز کے ملازمین متعلقہ اسمبلیوں کے ملازمین ہیں ۔ پارلیمنٹ لاجز کے ملازمین قومی اسمبلی کے ملازمین ہیں اور تمام مراعات سے مساوی طورپر مستفید ہوتے ہیں ۔ ایم پی  اے ہاسٹل پشاور کی ایڈمنسٹر  یشن بھی صوبائی اسمبلی سیکرٹریٹ کے پاس ہے اور ایم پی اے ہاسٹل میں اسمبلی سیکرٹریٹ کے ملازمین اسمبلی سیکرٹریٹ کے تمام مر اعات سے مستفید ہو رہے ہیں ۔ لیکن ایم پی اے ہاسٹل پی بی ایم سی (سی اینڈڈبلیو)کے ملازمین اسمبلی سیکرٹریٹ کے مراعات سے محروم ہیں۔

یہ اسمبلی صوبائی حکومت سے سفارش کرتی ہے کہ سوات ایکسپریس وے کے توسعیی منصوبے (چکدرہ سے فتح پور سوات تک) کے منصوبے کو عملی جامہ پہنانے سے پہلے وہاں کے لوکل لوگوں کے خدشات  کو دور کیا جائے نیز اس منصوبے میں دریائے سوات کے کنارے غیر زرعی زمین کو زیادہ سے زیادہ بروئے کار لایا جائے۔ اورمزید یہ کہ اس منصوبے میں متوقع طورپر شامل زمین کے مالکا ن کو بہتر سے بہتر ریٹ دیا جائے کیونکہ سوات کے لوگ پہلے ہی سے سیلابوں اور دہشت گردی کے شکار ہو چکےہیں اورموجودہ حکومت سے بہت زیادہ توقعات رکھتےہیں کہ ان کے مشکلات کا ازالہ ہو۔

   یہ اسمبلی  صوبائی حکومت سے سفارش کرتی ہے کہ وفاقی حکومت سے اس امر کی سفارش کرے کہ ضلع مانسہرہ میں  شاہراہ قراقرم   پردوبارہ ٹول پلازہ  تعمیر کیا جارہا ہے جبکہ 15 سال پہلے بھی اسی ٹول   پلازے کی تعمیر کے وقت  ایک انسپکٹر سفیر خان شہید  ہو گیا تھا اس کے علاوہ بھی انسانی جانوںکا ضیاع ہو اتھا اور اس وقت  کی حکومت نے اس ٹو ل پلازے کی تعمیر کو روکنے کا حکم دیا تھا جب کہ 9سال  بعداب اسی ٹول  پلازہ کو دوبارہ  کھولنے کی کوشش کی جا رہی ہے  جس کی وجہ سے  ہزارہ میں بلعموم  اور  ضلع مانسہرہ  میں بلخصوص عوام میں انتہائی بے چینی پائی جا رہی ہے اس کی وجہ  سے ایک بار پھر خون خرابے کا اندیشہ ہے ۔

    لہٰذ ایہ اسمبلی صوبائی حکومت سے سفارش کرتی ہے کہ وہ وفاقی حکومت سے اس امر کی سفارش کرے کہ مذکورہ ٹول پلازے کی تعمیر کو روکنے کے اقدامات کیئے جائیں تا کہ امن و امان کا مسئلہ پیدا نہ ہو۔

It has been noticed that like adults, children also struggle with psychological pressure. Too many commitments, conflict in their families and problems with peers are all stressors that overwhelm children.

It is observed with concern that due to domestic issues and societal pressures, and due to lack of awareness children are prone to use drugs and attempt suicide. Moreover, child abuse incidents are repeatedly reported, and are on the rise in our society.

This house demands that:

1.     Schools those are charging Rs.5000 or more fee per month should gave a psychologist as a part of the faculty.

2.     Whereas schools charging less than Rs.5000 fee should arrange at least one session per week for the students with a psychologist.

3.     All colleges should have a psychologist as a part of the faulty.

یہ اسمبلی صوبائی حکومت سے اس امر کا مطا لبہ کرتی ہے کہ وہ مرکزی حکومت سے سفارش کرے کہ گریڈ سٹیشن دیر لوئرجندول کی منظوری ہو چکی ہے۔اور زمین کے خریداری کے لئے فنڈز بھی جاری کیا گیا ہے لیکن اس کے باوجود کہ مذکورہ گریڈ سٹیشن کے لئے زمین بھی خرید ی گئی ہے لیکن تاحال اس منصوبے پر کام شروع نہیں کیا جاسکا ۔لہذا یہ ایوان پرُزور سفارش کرتی ہے کہ مذکورہ گریڈ سٹیشن پر جلد از جلد کام شروع کیا جائے۔

یہ ایوان صوبائی حکومت سے سفارش کرتا ہے کہ صوبائی اسمبلی سیکرٹریٹ میں بھی قومی اسمبلی کی طرز پر ایک ڈسپنسری قائم کی جائے جو کہ ایک مستند ڈاکٹر اور ادویات پر مشتمل ڈسپنسری ہو جہاں سے اسمبلی ممبران اور جملہ سٹاپ کو تمام تر بنیادی علاج معالج اور مفت ادویات کی سہولت میسر ہو۔

The Khyber pakhtunkhwa Assembly, through this resolution acknowledges that plastic bags are detrimental to the environment as they do not fully degrade in our land and water bodies therefore, introduce unsafe chemicals in to the environment. The plastic bags are used expansively, and the method of its disposal creates litter and an impediment to environmental waste reduction.

The alternative to plastic bags is seed infused paper or cloth and jute bags the use of seed infused paper bags are biodegradable and cause no pollution .

The House resolves to take required measures to replace plastic bags with bags made of environmental –friendly biodegradable material. This House accents and encourages the relevant stakeholder i.e. provincial Government, civil society, electronic and print media to work together to spread awareness for eradicating plastic bags in order to promote clean and healthier environment.

    یہ اسمبلی صوبائی حکومت سے سفارش  کرتی ہے کہ وہ وفاقی حکومت سے اس امر کی سفارش کرےکہ پشاور سے لاہوراور  لاہور سے پشاور کے لئےفلائٹ چالوکی جائے تاکہ مسافروں کی تکالیف کا ازالہ ہو سکے۔

   ہر گاہ کہ یونیورسٹیز سے فارغ التحصیل طلباء کو اپنی ڈگری سے متعلقہ عملی تجربے کی ضرورت ہوتی ہے تاکہ انہیں روزگار کے مواقع ملنے میں آسانی ہو سکے۔اور اس مقصد کے پیش نظر ان طلباء کے لئے انٹرن شپ پروگرام کا آغاز کرنےکی اشد ضرورت ہے۔ چنا نچہ ضرورت اس امر کی ہےکہ گریڈ 17 اور اُوپر کے سرکاری افسران اور منسٹرز اپنے متعلقہ اداروں میں ان طلباء کو انٹرشپ فراہم کرے ۔تاکہ نوجوان طلباء کی صلاحیتوں اور قابلیت سے نہ صرف ان کو فائدہ ہو گا بلکہ طلباء کو بھی سیکھنے کا بہتر موقع ملے گا۔

یہ کہ میں اس ایوان کی توجہ اس  امر کی طرف مبذول کرانا چاہتی ہوں کہ صوبے میں ایمرجنسی سروسز مہیا کرنے والے تمام بڑے ہسپتالوں مین گیٹ کے دائیں اور بائیں طرف 30-20فٹ اور داخلی دروازےپر جگہ خالی چھوڑی جائے اور اس میں کسی بھی قسم کی پارکنگ یا تجاوزات کی اجازت نہ دی جائے تاکہ ایمرجنسی کی صورت میں مریضوں اور اُن کے لواحقین کو مشکلات کا سامنا نہ کرنا پڑے ۔

    لہٰذا یہ اسمبلی صوبائی حکومت سے سفارش کرتی ہے کہ اس مسئلے کو حل کرنے کے لئے مناسب اقدامات کئے جائیں اورہسپتال کی انتظامیہ کو بھی اس بات کا پابند بنایا جائے کہ وہ ان احکامات پر عمل درآمد کو یقینی بنائیں۔